Nimwiza Meghan, Nyampinga w’u Rwanda 2019, yahishuye urwibutso yasigiwe na Mwiseneza Josiane bararanye mu cyumba kimwe mugihe cy’icyumweru kimwe ubwo bari mu mwiherero hashakishwa umukobwa uzavamo Nyampinga.

Meghan yahamijeko Mwiseneza ari umukobwa uzi gusenga ndetse no gusabana n’abandi ngo mubihe bamaranye mucyumba kimwe hari byinshi yamwigiyeho.


Nimwiza Meghan

Ibi Nimwiza Meghan yabitangarije mukiganiro yagiranye n’ikinyamakuru Ukwezi,yavuze ko mu mwiherero yabanye n’abakobwa 2 barimo Niyonsaba Josiane na Mwiseneza Josiane wamusigiye urwibutso rukomeye mu gihe gito bamaranye.

Yagize ati"Ikintu cya mbere nzamwibukiraho ni ukuntu yahoraga ambwira ngo azanyirukana mu cyumba cye. Hari igihe nabaga nagiye nko mu bindi byumba akaza agasanga sindakingura icyumba cyanjye ngo ninjire, kuko twabaga dufite urufunguzo rumwe cyangwa urundi twarutaye mu cyumba, yaza agafungura agasanga sindinjira akaza kunshaka akambwira ati kandi wowe nzakwirukana mu cyumba cyanjye, nanjye naza namubura nkamubwira nti nanjye nzakwirukana, kubana nawe byari byiza.

Nimwiza Meghan akomeza agaruka kuri Mwiseneza Josiane agira ati : "Ikindi kandi ni umuntu ukunda gusenga, kuko iyo nabaga ngiye kuryama ntasenze yarambwiraga ati byuka tubanze dusenge, tugafatana mu maboko tugasenga. Mana yanjye, Josiane ni umuntu mwiza, sinzi ukuntu ndibubibabwire. Josiane ni umuntu udasanzwe, ntabwo ari ibintu bya buri wese kubona umuntu nk’uriya"

Nimwiza Meghan niwe watowe nka Nyaminga w’u Rwanda 2019, Yavutse taliki 10 Ukwakira 1998 ni imfura mu muryango w’abana batanu


Mwiseneza Josiane wabaye Miss Popularity

Nimwiza Meghan watorewe kuba Miss Rwanda 2019 ni umukobwa w’imyaka 20 y’amavuko yatowe bisa naho nawe bimutunguye cyane kuko ntiyari mubahabwaga amahirwe cyane, Mwiseneza Josiane w’imyaka 23 y’amavuko yahawe ikamba rya Miss Popularity ni umwe mubakobwa bari bashyigikiwe cyane kuva iri rushanwa ritangiye kugeza risojwe.

Tanga igitekerezo

Ntugire ikibazo Email yawe ntabwo tuyigaragaza kurubuga (*).

Ibitekerezo(2)