Nk’Imbaraga z’iguhugu urubyiruko rw’URwanda rwasabwe na Madame wa Perezida wa Repubulika Jeanette Kagame gufata iyambere mu kuba umusemburo wo gukemura ibibazo birangwa mu miryango yabo,ubuzima bwabo ndetse nubw’abaturanyi babo cyane cyane bita kukurwanya inda ziterwa abana b’abangavu.

Ni kuri uyu wa gatatu tariki ya 6 ukuboza 2018 mu rwunge rw’amashuri rwa Mater Dei mu karere ka Nyanza ubwo hasozwaga ingando z’abanyeshuri bagera kuri 681 babarirwa mu miryango itishoboye ndetse abakaba bishyurirwa binyuze muri gahunda ya "Edified generation"yakomotse ku imboto Foundation,abitabiriye izi ngando zamaze iminsi igera kuri itatu bahawe impamba y’ubumenyi ku bijyanye n’ubuzima bw’imyororokere,kwita ku mibereho myiza ndetse no kwihangira imirimo hagamijwe guhindura ubuzima bwabo ndetse nubw’abaturanyi babo.

Mu magambo ye Madame Jeannette Kagame yasabye urubyiruko gukomeza kuba abayobozib’intangarugero bityo bakazavamo abanyarwanda beza bakubaka igihugu cyabo bifiza,yagize ati"Bizadushimisha igihe ibyo mukoze bizagirira akamaro abanyarwanda bose abato ndetse n’abakuru cyane ko mufite ingero nziza zibereka ko gushaka ariko gushobora,

Madame Jeannette Kagame yasoje asaba urubyiruko gukora ibikorwa bishingiye ku kuguharanira ko ubumenyi bafite babusangira n’abandi bagenzi babo aho yanabahaye umukoro wo gutekereza ku mubare w’abana baterwa inda bakiri abangavu,turebe icyo twakora kugirango byibura muri 2030 icyorezo cya Sida kizabe ari nk’amateka yabayeho mu Rwanda.

Uyu muhango kandi wari witabiriwe n’abandi bayobozi batandukanye barimo minisitiri w’uburezi Dr.Mutimura Eugene nawe wagize ibyo asaba uru rubyiruko,Guverineri w’intara y’amagepfo CG Gasana Emmanuel,umuhuzabikorwa wa UN mu Rwanda,minisitiri w’urubyiruko Mbabazi Rosemary n’abandi batandukanye

Leave A Comment

Ntugire ikibazo Email yawe ntabwo tuyigaragaza kurubuga (*).