Umuhanzi wo mugihugu cya Uganda, akaba na Depite Robert Kyagulanyi, uzwi nka Bobi Wine yabwiye Perezida Museveni ko akwiye gufatira urugero ku bari ibikomerezwa ku mugabane w’afurika ariko bakaba baravuye kubutegetsi nabi.

Ibi Bobi Wine abitangaje nyuma yo kweguzwa kwa Perezida Omar al Bashir wa Sudani agahita anafungwa bikozwe n’igisirikari cye.

Bobi Wine ni umuhanzi akaba n’umudepite mu nteko ishinga amategeko ya Uganda

Robert Kyagulanyi avuga ko Museveni agomba kurya ari menge kuko niba abanyembaraga bamurenze bakurwaho n’abaturage bakanafungwa ko we uciriritse agomba kwitonda.

Yagize ati, "Abanyagitugu bose bagomba kuzirikana ko ushobora kugira abaturage injiji igihe kinini ariko ntiwabagira injiji bose kandi icyarimwe"

Ku rukuta rwe rwa Twitter, Bobi Wine yakoresheje ifoto iriho abaperezida batatu abandi arabavivura (bamaze gukurwa ku butegetsi nabi) ageze kuri Museveni yandikaho ijambo (NEXT) bisobanura ko ashaka kwerekana ko Museveni ariwe ukurikiyeho mu kuvanwa ku butegetsi.

ibyo Bobi Wine yanyujije kurukuta rwe rwa twitter

Bobi Wine ugaragarizwa ko akunzwe n’abatari bake muri Uganda aherutse gutangaza ko yiteguye kuvanaho ubutegetsi bwa Museveni kuko ngo ayoboza Uganda igitugu.

Bobi Wine na Perezida Museveni ntibahwema guterana amagambo kuko nko mu minsi ishize Museveni yabwiye Bobi Wine ko agomba gusubira mu muziki ko atazi uko politiki ikinwa nawe mu kumusubiza amubaza niba iyo aza kuba akiri urubyiruko yari buragire inka gusa.

Tanga igitekerezo

Ntugire ikibazo Email yawe ntabwo tuyigaragaza kurubuga (*).

Ibitekerezo(1)