Nyuma y’igihe gito hamenyekanye iby’urukundo rw’umuhanzi Diamond Platnumz n’umunyamakurukazi wo muri Kenya, Tanasha Oketch. Aba bombi bahise bashyira hanze amatariki bazambikaniraho impeta y’urudashira mu ntangiriro z’umwaka utaha wa 2019 ndetse ngo abatumiwe bazamara iminsi itatu mu birori.

Mu minsi ishize nibwo byamenyekanye ko Diamond amaze igihe acuditse mu ibanga na Tanasha Donna Oketch usanzwe ari umunyamakuru kuri NRG Radio yo muri Kenya ndetse akaba anifashishwa mu mashusho y’indirimbo z’ibyamamare bitandukanye.

Uyu muhanzi yemeza ko Tanasha amurutira abo yakundanye nabo bose harimo nabo babyaranye kuko ari we wenyine washoboye kumwemerera ko barushinga bakabana nk’umugore n’umugabo mu gihe abandi bifuzaga kuryoshya gusa.

Mu kiganiro na Wasafi TV, Diamond yavuze ko Zari baherukaga gukundana banabyaranye abana babiri bashwanye ari ku munsi w’abakundana (tariki 14/02/2018), akaba ariyo mpamvu yahisemo kuzarushinga na Tanasha nabwo ari ku munsi w’abakundana tariki 14/02/2019 ibirori bikazamara iminsi itatu.

Ati “Nashoye mu bushabitsi (business) butandukanye nka televiziyo, radio, inzu ireberera inyungu z’abahanzi, ubunyobwa n’ibindi… ubu rero nkeneye umugore umfasha kugenzura ibyo byose, tukicara tukajyinama. Nateguye ubukwe bwanjye ko buzaba ku munsi w’abakundanye muri 2019 (Valentine’s Day). Umunsi w’abakundana uzaba ari kuwa kane, tuzakomeza ibirori kugeza kuwa Gatandatu w’icyo cyumweru.”

Diamond Platnumz agiye gushaka umugore nyuma yo kubyarana abana babiri na Zari (umuhungu n’umukobwa) n’undi umwe w’umuhungu yabyaranye na Hamisa Mobetto.

Diamond Platnumz na Tanasha Oketch bitegura kurushinga

Tanga igitekerezo

Ntugire ikibazo Email yawe ntabwo tuyigaragaza kurubuga (*).

Ibitekerezo(1)