Indirimbo ‘Kwangwaru’ y’umuhanzi Diamond na Harmonize yabiciye bigacika mu minsi ishize, yahagaritswe kuzongera gucurangwa yaba ku ma radio, amateleviziyo n’ahandi hose hateraniye abantu benshi muri Kenya.

‘Kwangwaru’ yahagaritswe muri Kenya n’Ikigo cy’Igihugu gishinzwe kugenzura isakazwa ry’amashusho (KFCB). Ezekiel Mutua uyobora iki kigo mu kiganiro n’abanyamakuru yavuze ko nyuma y’iyi ndirimbo n’izindi zose zo hanze yacyo zibangamira indangagaciro n’umuco bya Kenya zizahagarikwa.

Mutua yagize ati “Iriya ndirimbo ifite ubusobanuro budahwitse, ubu twayihagaritse by’umwihariko mu mashuri. Imbyino zikwiye kugenzurwa kugira ngo abahanzi bo mu mahanga batavangira indangagaciro n’umuco bya Kenya. Ni gute ubundi twemera gucuranga indirimbo zahagaritswe mu bindi bihugu ?”

Uyu muyobozi yashimangiye ko umuntu wese uzarenga ku mwanzuro wafashwe n’ikigo ayoboye KFCB azabiryozwa hashingiwe ku mategeko.

Kwangwaru ihagaritse muri Kenya nyuma yuko no muri Tanzania aho aba bahanzi bakomoka naho yahagaritswe nyuma y’igenzura ryakozwe bagasanga irimo amashusho n’amagambo adakwiye bityo ivanwa mu zemerewe gucurangwa.

Iyi ndirimbo imaze igihe gisaga umwaka ku rubuga rwa Youtube, ikaba imaze kurebwa n’abarenga miliyoni 41.

REBA HANO IYI NDIRIMBO.

Tanga igitekerezo

Ntugire ikibazo Email yawe ntabwo tuyigaragaza kurubuga (*).

Ibitekerezo(2)