Nyampinga wa Uganda, Quiin Abenakyo yakiriwe na Perezida Museveni mu biro bye bihereye Entebbe.

Quiin Abenakyo, ubu ni umwe mubari kuvugwa cyane mugihugu cya Uganda kuko yabashije gukora amateka adasanzwe agatorwa mubakobwa batanu muri Miss World 2018 ndetse agahabwa ikamba ry’umukobwa wahize abandi bose kumugabane w’afurika.


Yakiriwe na Perezida mubiro bye

Uyu mukobwa yageze mugihugu cya Uganda kuri uyu wa Gatatu taliki ya 19 Ukuboza 2018 yakirwa n’abantu benshi harimo abo mu muryango we, abo munzego za leta, abategura Miss World muri Uganda n’abanyamakuru bari benshi buri wese ashaka kumuvugisha.

Abenakyo wari avuye mu Bushinwa guhatana muri Miss World, yageze ku kibuga cy’indege asuka amarira bitewe nubwinshi bwabari baje kumwakira.

Yavuye ku kibuga cy’indege ahita akomereza mubiro bya Perezida wa Uganda, Yoweri Kaguta Museveni, maze amushimira uburyo yitwaye muri aya marushanwa nuburyo yahesheje ishema igihugu cye.

Abenakyo, ni we Nyampinga wa Uganda muri 2018. Asanzwe ari umunyeshuri muri Kaminuza ya Makerere, yiga mu ishami ry’ubucuruzi mu gashami k’iyi kaminuza kari muri Nakawa.

Quiin Abenakyo w’imyaka 22 y’amavuko, yanateguriwe ibori bidasanzwe biteganyijwe kuri uyu wa Kane taliki 20 Ukuboza 2018, bizabera muri Sheraton Hotel mu mujyi wa Kampala.


Yageze ku kibuga cy’indege asuka amarira bitewe nubwinshi bwabari baje kumwakira

Tanga igitekerezo

Ntugire ikibazo Email yawe ntabwo tuyigaragaza kurubuga (*).

Ibitekerezo(0)