Zari Hassan umugore w’umunyamafaranga wahoze akundana n’icyamamare Diamond Patnumz, yahishuye umusore mushya w’ibigango yeguriye umutima we muri iyi minsi.

Tariki ya 14 Gashyantare 2018 ku munsi w’abakundana (Saint Valentin) nibwo Zari yatangaje ko ashyize akadomo ku rukundo rwe n’umuhanzi Diamond bari bamaranye igihe kitari gito mu rukundo ndetse banabyaranye abana babiri.

Icyo gihe uyu mugore yagugaga ko arambiwe kubabazwa no guhora ahanganye n’abagore uyu muhanzi yakururanaga na bo. Kuva ubwo yagiye avugwa mu rukundo n’abasore batandukanye ariko akabitera utwatsi bikarangira bimenyekanye ko ari ibinyoma.

Mu cyumweru gishize ubwo hizihizwaga Saint Valentin ya 2019 nibwo Zari yatangiye guhishurira abakunzi be barenga miliyoni 5 bamukurikira kuri Instagram ko yaba ari mu rukundo rushya.

Yabanje gushyira ifoto kuri Instagram afite indabo n’izindi mpano yari yahawe ku munsi w’abakundana, nyuma yagiye ashyira amafoto kuri Snap Chat yerekana uyu musore igice cyo hasi mu maso atagaragara, ibi byatumye abamukurikira batangira gucukumbura ngo bamenye uyu musore uwo ariwe.

Zari yaje kubamara amatsiko maze ashyira hanze andi mafoto ari kumwe n’uyu musore wamenyekanye ku izina rya ‘Danny Kals’ gusa ntabyinshi biramenyekana ku rukundo rwabo.

Uyu mugore yongeye gusubira mu rukundo mu gihe Diamond baherukaga gukundana ari mu myiteguro yo kurushinga n’umukunzi we mushya Tanasha Donna.


Zari yerekana impano yahawe n’uyu mukunzi we ku munsi wa St Valentin.


Yabanje kwerekana uyu musore igice kimwe.

Tanga igitekerezo

Ntugire ikibazo Email yawe ntabwo tuyigaragaza kurubuga (*).

Ibitekerezo(0)