Indirimbo za Mr Kagame zahagaritswe kuri BTN TV

Indirimbo zose z’umuhanzi Mr Kagame zahagaritswe kuri televiziyo ya BTN kubera agasuzuguro k’uyu muhanzi.

Kuri uyu wa Mbere tariki ya 25 Gicurasi 2020 nibwo Mr Kagame yagombaga kwitabira ikiganiro The Play gitambuka kuri BTN TV buri munsi guhera saa kumi n’ebyiri z’umugoroba nk’uko yari yaremeye ubutumire yahawe n’ubuyobozi bw’iyi televiziyo.

Ku mugoroba wo ku Cyumweru BTN TV yashyize hanze urupapuro rumenyesha abayikurikira ko Mr Kagame azaba ari kuri iyi televiziyo ku masaha yavuzwe haruguru, basaba abakunzi be gutangira kohereza ibibazo bifuza ku mubaza ku mbuga nkoranyambaga zitandukanye.

Amakuru agera ku IBYAMAMARE.Com avuga ko, ubwo haburaga iminota icumi ngo iki kiganiro gitangire nibwo umwe mu banyamakuru bagikora witwa Blaise yahamagaye uyu muhanzi amubaza aho ageze maze amubwirako atakije kuko yarwaye.

Ibi ngo byafashwe nk’agasuzuguro n’ubuyobozi bwa BTN TV bitewe nuko uyu muhanzi atigeze abamenyesha hakiri kare ko yarwaye kuko ngo byageze ku isaha ya saa kumi akibemerera ko aribuze mu kiganiro. Bakaba bahise bafata umwanzuro wo guhagarika indirimbo ze zose kuri iyi televiziyo iherutse kujya muzigaragarira kuri Canal+.

Amakuru twakuye mu nshuti za hafi za Mr Kagame avuga ko atarwaye ahubwo ngo yari yahoze ari gusangira n’inshuti ze, amasaha yo kujya muri iki kiganiro agera yasinze niko guhita abahakanira.

BTN TV ihagaritse indirimbo za Mr Kagame nyuma gato yuko asabiye imbabazi kuri televiziyo y’igihugu kubera indirimbo irimo amagambo y’urukozasoni aherutse gushyira hanze yafatanyijemo na Bruce Melodie.

The Play n’ikiganiro cy’imyidagaduro gitambuka kuri BTN TV kuva kuwa Mbere kugera kuwa Gatanu guhera saa kumi n’ebyiri z’umugoroba kugeza saa moya, kikaba gikorwa na Blaise, Jacobine na Dj Colombe.

Urupapuro rwamamaza ikiganiro Mr Kagame yagombaga kujyamo kuri BTN TV.
Abanyamakuru bakora ikiganiro The Play bakiriye Gabiro Guitar.

 

Tanga Igitekerezo ukoresheje Facebook

SHARE

1 IGITEKEREZO

  1. Yewe njye mbona igitekerezo mwafashe cyoguhagarika indirimboza Mr kagame ze zose kur btn TV ataribyo ahubwo mwabitewe nuburakari mwagize kubera kwang ubutumire bwanyu erega ntawamenya ahubwo mwakagombye kubanza kumenya impamvu nyamukuru atabonetse naho kuba yari yasinze wasanga aribihuha njye mbona mwakagombye kubigendesha gake mukoroshya ibintu byose sukubikomeza mufata ibihano