“Ineza” indirimbo nshya ya Biggy Shalom isingiza ineza y’Imana. Videwo

Muzika Nyarwanda ikura umunsi ku wundi ari nako yunguka abahanzi bashya kandi ubona ko bafite impano n’akazoza gafatika. Biggy Shalom ni umwe mu bahanzi baririmba indirimbo zihimbaza Imana (Gospels),yashyize hanze iyo yise “Ineza’

Biggy Shalom n’umuhanzi w’umuhanga mu ndirimbo zo kuramya no guhimbaza Imana,yakuriye muri korali y’abato mw’itorero rya ADEPR,avuga ko mw’ishuli ryo ku cyumweru (Sunday school) ariho impano ye yakuriye cyane kugeza magingo aya.

Mu kiganiro na IBYAMAMARE, Biggy Shalom yasobanuye impamvu yahisemo gukora iyi ndirimbo ye nshya yise Ineza. Yavuze ko bigendanye n’ukuri guhari ku ruhande rwe na cyane ko yifuriza abantu bose ibyiza ndetse no kuzagera mu ijuru kimwe nk’abandi baririmbyi bose. Uyu musore yasobanuye ineza Imana yagiriye abantu mbere yo kubarema n’icyo yifuzaga ku bo yaremye.

Biggy Shalom washyize hanze indirimbo ivuga Ineza y’Imana

“…,Nazamutse umusozi ntereye amaso mbona iby’Imana yaremye ni byiza, inyanja n’amasoko ndetse n’ibimera byose bigaragaza ugukomera kwawe,koko ineza ugira isesuye ijuru umurava wawe ugera ku bicu,Mana erega gukomera kwawe kwirengeye ijuru ikuzo ryawe ryamamare ku isi hose,…”

Biggy yagize ati: ”Ubusanzwe ndirimba indirimbo zihimbaza Imana kandi ni ho impano yanjye inyerekeza. Indirimbo nayise iri zina ‘Ineza’ kugira ngo buri wese azayibonemo abashe no gufashwa n’ubutumwa buyirimo kuko buri wese azi ineza y’Imana kuri we.”

Uyu muhanzi avuga ko muri iyi ndirimbo ubutumwa burimo nta kabuza yizera ko buzafasha benshi mu rwego rwo gukorera ijuru kuruta kwita ku by’isi bishira.

Ineza ya Biggy Shalom

 

Tanga Igitekerezo ukoresheje Facebook

SHARE

1 IGITEKEREZO