Ingabo z’u Rwanda ziri mu butumwa bw’amahoro zubatse amashuri i Darfur

Ingabo z’u Rwanda ziri mu butumwa bwo kubungabunga amahoro i Darfur zubakiye amashuri abanyeshuri basaga 800.

Ni umuhango wabaye kuri uyu wa Gatatu mu nkambi ya El Salaam mu gace ka El Fasher i Darfur muri Sudani aho ingabo za RDF zubatse ishuri ryisumbuye nyuma yo kubona ko abakobwa bigiraga muri iri shuri rizwi nka “NUSAIBAH Girls’ secondary school” bigira ahataboneye kuko ibyumba by’amashuri yabo byari byubakishijwe ibiti bigasakazwa ibyatsi gusa.

aho aba banyeshuri bari basanzwe bigira

Usibye ibyumba 14 byubatswe kuri iri shuri bishobora kwakira abana 800, hiyongeraho ibiro bine byose byubatswe ku bufatanye bw’Ingabo z’u Rwanda ndetse n’Umuryango Christian Fellowship ukorera muri UNAMID.

Umuyobozi w’iri shuri, Adam Suleiman Muhamad yashimiye cyane ingabo z’u Rwand.

Ati ” Uyu munsi twishimiye gushyikirizwa ishuri ryujuje ibyangombwa ku banyeshuri bacu. Iri shuri ntirizakoreshwa gusa n’abatuye mu nkambi ya El-salaam ahubwo n’abayituriye bashobora kuryigamo.

Bubakiwe amashuri meza agezweho

Umuyobozi ku rwego rw’Intara ya Darfur, Brig Gen Muhamad Ibrahim na we yashimye uruhare rw’Ingabo z’u Rwanda zibungabunga amahoro muri Darfur mu gufasha mu iterambere cyane cyane mu gace ka El-Salaam ati “Ibi byerekana urukundo ndetse n’ubufatanye hagati y’u Rwanda Sudani.”

Ubwo aya mashuri yatahwaga kumugaragaro

Ukuriye batayo y’Ingabo z’u Rwanda muri aka gace, Lt Col Bosco Rugema na we ashimangira ko iri shuri ari ikimenyetso cy’umubano mwiza hagati y’u Rwanda na Sudani ati “Mu Rwanda, umuco wo gufashanya si icyimenyetso cy’uko utunze cyane ahubwo ni ikimenyetso cy’urukundo, agaciro ndetse n’icyubahiro.”

Tanga Igitekerezo ukoresheje Facebook

SHARE