Search

Inkuru ibabaje y’ibyo banyuzemo murukundo rwabo yatumye bakorerwa ubukwe bw’agatangaza (Amafoto)

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Wari umunsi w’agatangaza kuri bo, ni umunsi batakerezaga ko wabaho ngo bigende nkuko babibonye, Habimana Jean de Dieu na Murekatete Jeannine bakorewe ubukwe bw’agatangaza bishyurirwa ibikenerwa byose biturutse ku nkuru y’ibyo banyuzemo murukundo.

Habimana Jean de Dieu na Murekatete Jeannine basezeranye kubana akaramata

Jean de Dieu na Jeannine bari bamaze imyaka igera kuri 6 bari murukundo bamenyanye  bahuriye mu rusengero rw’itorero Bethel bahuzwa n’uko bombi babaga muri korali y’iri torero ndetse uyu Murekatete akaba yari anasanzwe ari umwe mu bayobozi b’iyi korari.

Bamenyana Habimana yakoraga akazi ko gutwara abagenzi kuri moto ariko moto yakoreshaga ntabwo yari iye bwite ahubwo ni uwo yakoreraga, iyi moto yaje kwibwa ndetse uyu musore arafungwa aho yasabwaga kwishyura amafaranga ari hejuru ya miliyoni imwe kugirango arekurwe.

Kugirango arekurwe yabifashijwemo n’umukunzi we aho yameye kumwishingira akavuga ko azamufasha kwishyura ayo mafaranga kugirango uyu musore arekurwe. Niko byagenze Habimana yararekuwe ndetse nyuma baza kwishyura aya mafaranga.

Nyuma aba bombi bavuga ko bakomeje gukundana ariko mu bihe byari bikomeye dore ko ari umusore nta kazi yari afite ndetse n’umukunzi we nawe akaba udufaranga yabonaga yaragorwaga no kutwishyura iyo moto yibwe.

Habimana akomeza avuga ko umukunzi we atigeze amutererana muri ibyo bibazo ndetse bombi ngo bakomeje kubisangira bakomeza bafatanya kandi banakomeza kujya basenga mu buzima bwabo bwa buri munsi.

Habimana Jean de Dieu na Murekatete Jeannine Aba bombi ngo baje gutekereza gukora ubukwe ariko bibabera imbogamizi kuko ntabushobozi bari bafite, baje kumva inkuru yuko Royal FM ishaka gukorera ubukwe abantu bafite amateka murukundo maze nabo binjira muri iri rushanwa kuko byasabaga gutanga inkuru ikubiyemo ibyo mwanyuzemo murukundo.

Jean de Dieu na Murekatete nabo batanze inkuru y’urukundo rwabo mu nkuru zigera kuri 40 biciye mu kiganiro Royal Breakfast, inkuru y’aba bombi niyo yabaye inkuru yambere mu nkuru zose zari zatanzwe maze bemererwa gukorerwa ibisabwa byose mu bukwe aho ibikenerwa byose byatanzwe na Royal FM ari nayo yabakoreye ubukwe

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.