Inkuru udakwiye gucikwa, EPisode 1: IPFUNDO RIDAPFUNDUKA

9

IPFUNDO RIDAPFUNDUKA

EPISODE 1

wari umugoroba nk’iyindi yose ikirere gikeye nkuko wari umunsi mwiza kuri Jimmy ibintu byose byari byagenze neza uko yabipanze abantu yari yatumiye bose mumunsi mukuru yari yateguye wo kwishimira impamya bushobozi y’ikiciro cya kaminuza cyakabiri yari yakiriye yari afite akanyamuneza atagatewe n’uko yari ageze kuri urwo rwego ahubwo agatewe n’uko haburaga iminota mike ngo afatirane abantu batarataha apropoze *asabe umukunzi we Pamela ko yamwemerera ubuzima asigaje ku isi azabubeho bari kumwe, ntibyatinze uwari umuyobozi wa gahunda MC aba aravuze “jimmy uyu munsi ntako atagize ngo twishime, yatubwiye byinshi yagezeho hataragira utaha hari ikintu ashaka kutwereka gifite agaciro kuruta zahabu, kiruta ibindi byose mwumvishe ari ibyo navuze cyangwa ibyo we yaba yivugiye, reka ndeke gutinda mumagambo mpamagare jimmy yegere imbere atubwire ndakeka ibyo agiye kutubwira biratuma buri umwe yifuza ko ikirori cyakumeza, jimmy umwanya ni uwawe..” jimmy yegera imbere afata mikoro ati:”mbere yo kugira icyo mvuga, ndifuza ko isimbi ryanjye karabo nahawe n’uwagahanze ineza Pamela yakwegera hano imbere” abantu bari batangiye kumenya aho yerekeza bahita batangira gukoma amashyi, Pamela yegera imbere ahagarara imbere ye jimmy agiye kongera kuvuga micro isa nigize akabazo MC abwira uwari DJ ko yamujyanira indi, DJ wasaga nuri mubintu byinshi ahaguruka yihuta ageze imbere akubitana amaso na pamela amara amasegonda barebana, jimmy abibonye ahita amwaka microphone yari azanye undi asubira aho yari yicaye ahanagura mumaso yibaza niba uwo yarebaga imbere ariwe, mugusubira kwicara pamela amukurikiza amaso jimmy atangira kuvuga avuga amagambo arimo ubusizi byasaga naho ibintu yabiteguye igihe kirekire ako pamela ntiyari akimwumva  ukundi agiye kumva yumva jimmy aravuze “…… will you marry me” arikanga kdi ubwo jim yari abivuze inshuro ya gatatu atungurwa no kubona amupfukamye imbere jimmy arongera “will you marry me?” pamella aho kumusubiza arekura ibiganza bye yihanagura mumaso aba asohotse yiruka abantu bacyibaza ibibaye uwari DJ nawe ahaguruka yiruka amukurikira asanga ahagaze hanze imbere yegamye kugikuta cy’inzu ari kurira aba amufashe akaboko pamela ahita amwiyaka  amukubita urushyi undi arwana no kongera kumufata pamela aba aravuze “kubera iki Mana ibi bibaye kuri uyu munsi? Omar kuki unkoze ibi bintu?”

IMYAKA 3 MBERE YAHO  (uko byatangiye)

“urisanga chr urabona ko ibintu byose murugo byari bigukumbuye” niko console yarimo abwira umukobwa we Pamella ubwo binjizaga ibintu yari amutwaje muri salon, Pamella n’akanyamuneza amwenyura aba aramusubije ati:“maman inzenya zawe ziri mubintu nari nkumbuye” pamella akinjira munzu amaso ye akubitana n’ayo umusore wari wicaye muri salon, ibitekerezo bihita bihinduka atangira kwibaza icyo uwo musore mwiza gutyo yari yaje gukora murugo, yaramwitegereje nk’iminota amasegonda agera muri 30, agiye kumva yumva maman we amukozeho ati:”bigenze bite pame?”

“iki maman?”

“umaze hafi umunota uhagaze bias naho utazi aho uri, injira uyu ni Omar ni shoferi mushya tumaranye ukwezi ndakeka uzamwishimira ni umwana mwiza”

“ese?” ahita akomeza asuhuza Omar ati:”ni byiza kubamenya Omar, njye nitwa pamella…” Omar amuca mu ijambo ati:”njye nari nkuzi nubwo ntari nakakubonye, aha bahoraga bakuvuga ukuntu uri umukobwa mwiza, ko wagiye kwiga hanze, nishimiye guhura nawe” Pamela arimo guseka aba aramusubije ati:”ehh wabonye koko se ndi mwiza?” maman we aba amurebye nabi Omar arikanga, maman we ahita amuca mu ijambo ataragira icyo avuga ati:”Omar, ntubona ko bi bintu bikenewe kwinjizwa kuki utatwakira” aba abafashije bimwe mubikapu barimo binjiza, babijyana mucyumba cya Pamela basoje byose omar arasohoka ajya kwitemberera kuko uwo mugoroba ntakandi kazi yari afite.

Pamela nyuma yo gutunganya ibyo yari yazanye no gutunganya icyumba cye yinjira mubwiherero aroga amaze koga asubira muri salon asanga nta muntu uhari, ahamagara maman we mu ijwi rirerire nawe yitabira mugikoni ati:”Pamela ndimo ndagutegura ibyo kurya, ese buriya ntiwari ukumbuye kurya ibyo kurya maman wawe yatetse?”

Araseka aramusubiza :“cyane ntubizi se ko ari wowe mutetsi wambere urenze kuri iyi si yarurema?” nawe aba arasetse amusangayo atangira kumufasha ari nako baganira amubwira ubuzima uko bwari bumeze hanze nukuntu imyaka 3 yari yaramubereye myinshi cyane na maman we amubwira ibintu byahindutse muri iyo myaka yose.

Byarihuse ibyo barimo biba birarangiye berekeza ku meza bagitangira kurya Pamela aba arabajije :”ese maman kuki omar Atari hano?” maman we ahita ahinduka cyane asa nurakaye aba aramubajije :”hmm ni iyihe mpamvu ariko umwitayeho cyane?”nawe ati:”nabazaga maman byonyine” maman we aba aramubwiye ati:”aya masaha aba ari iwe” ntibongera kuvugana bakomeza kurya bucece basoje bajya kuryama.

“ese ni iyihe mpamvu ndi kuvugana nuyu mutype Omar maman akarakara?”

“mvuze izina rye biramuhindura, turangiza kurya adakoma? Cg we na maman wasanga hari ibindi bapanga?”

“ka nsenge maman abe Atari muri ibi by’abashugamami bateye?”, “ah se ubundi ni iyihe mpamvu ndi kubyibazaho cyane?” “cg natangiye gukunda uriya muhungu? Oya ntibibaho sinakundana n’umushoferi” ibyo nibyo bitekerezo Pamela yamaze isaha atekereza nyuma yuko yinjiye muburiri mbere y’uko asinzira.

Umunsi wakurikiye yabyutse akerewe, ajya muri douche yoga ari kuririmba indirimbo yakundaga cyane ya Bruno maris yitwa…………, asoje ajya mucyumba arisiga atangira kujya afata ikanzu akayigera akongera akayikuramo akarambika ari nako afata indi, abikoze bwa gatatu aba atangiye kwivugisha ati:”ese ko mbona byose bitangaragaraho neza?” aba afashe agakanzu k’umweru yambaraga kakagarukira hejuru y’amavi arakambara aba aravuze :”wow aka niko karatuma Omar abona ko koko ndi mwiza” agiye kumva yumva urugira rurafungutse maman we yinjira atazi aho avuye aba aramubwiye :”Pamela ntumbwire ko watangiye gukunda Omar, ntibibaho ibyo bintu ntibyashoboka”

Ntuzacikwe na Episode ya 2

Niba mukeneye ko iyi nkuru ikomeza ibitekerezo byanyu birakenewe ubundi tugakomeza.

40,215 total views, 1 views today

Comments

comments

9 URABIVUGAHO IKI?

ANDIKA ICYO UTEKEREZA KURI IYI NKURU