Search

Inkuru y’urukundo rwabo igiye gutuma bahembwa gukorerwa ubukwe

IBM Radio Listen Live

KANDA HANO UREBE VIDEO

Inkuru y’urukundo rwa Habimana Jean de Dieu na Murekatete Jeannine niyo yabaye iya mbere mu marushanwa yahuzaga ama couple atandukanye, igihembo nyamukuru muri aya marushanwa abaye ku nshuro ya mbere mu Rwanda ni ugukorerwa ubukwe. Kuri ubu aba bombi bakaba bageze kure imyiteguro yo kurushinga dore ko bagomba gusezerana mu mpera z’iki cyumweru.

Inkuru y’urukundo rw’aba bombi igiye gutuma bakorerwa ubukwe ndetse n’ukwezi kwa buki nta n’ifaranga na rimwe ryabo bashoye.

Aya marushanwa yateguwe na radio ya Royal FM, yatangiye basaba abantu bakundana kwohereza inkuru z’urukundo rwabo, izi nkuru zoherezwaga zasomerwaga kuri radiyo maze abarikuyumva akaba aribo batora inkuru nziza kurusha izindi.

Amarushanwa yatangiranye inkuru zirenga ijana, zigenda zihatana kugeza ubwo hasigaye inkuru eshanu ari nazo zarushanijwe mu cy’ikiciro cyanyuma maze hatoranywamo imwe yahize izindi ariyo ya Habimana na Murekatete.

Kuri uyu wa Gatatu tariki 7 Gashyantare 2018 aba batsinze bagiranye ikiganiro n’itangazamakuru bavuga ko imyiteguro y’ubukwe bwabo irimbanyije cyane ko kuri uyu wa Kane tariki 8 Gashyantare 2018 aribwo bagomba kujya gusezerana imbere y’amategeko.

Ku Cyumweru tariki ya 11 Gashyantare 2018 nibwo bazaserana imbere y’Imana mu rusengero rw’i Nyamirambo basanzwe basengeramo, nyuma y’iyo mihango abatumiwe bazakirirwa mu busitani bwa Kaminuza ya Mount Kenya.

Muri ibi bihembo harimo n’ukwezi kwa buki, bikaba biteganyijwe ko nyuma y’ubukwe abageni bazajya kuruhukira i Karongi.

Habimana na Murekatete babwiye itangazamakuru ko bamaze imyaka itandatu bakundana, bakaba baramenyaniye mu rusengero aho bombi baririmbanaga muri korali imwe.

Uyu musore akaba asanzwe ari umunotari naho umukunzi we aka adoda imyenda, urukundo rwabo ngo rwakajije umurego ubwo moto yatwaraga bayibaga bakamufunga maze uyu mukobwa akiyemeza kumufasha kuyishyura akanasaba ko bamufungura.

Habimana na Murekatete bageze kure imyiteguro y’ubukwe bagiye gukorerwa nk’igihembo.

Habimana na Murekatete baganira n’itangazamakuru.

Aisa Cyiza na Axelle abakozi ba Royal FM basobanurira abanyamakuru uko iri rushanwa ryari rimeze.

Bari bamaze imyaka 6 bakundana.

 

 

Ivan Heritier

Comments

comments




Leave a Reply

Your email address will not be published. Required fields are marked *