Search

Irambona Eric yasabye imbabazi ubuyobozi n’Abakunzi ba Rayon Sports

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Umukinnyi Irambona Eric wakuwe ku rutonde rw’Abakinnyi bagiye muri Mozambique aho ikipe ya Rayon sports igiye kwesurana na Deportivo Costa do Sol mu mukino wo kwishura ashinjwa imyitwarire mibi, uyu musore nyuma yo gusanga yakuwe ku rutonde rw’Abakinnyi 19 bagombaga kwifashishwa yasabye imbabazi

Ikipe ya Rayon Sports yafashe urugendo rugana i Maputo mu gihugu cya Mozambique mu mukino wo kwishyura mu gice kibanziriza amatsinda mu irushanwa rya Total CAF Confederations Cup 2018,umwe muri bamyugariro b’iyi kipe Irambona Eric ku munota wanyuma yasigaye mu Rwanda kubera gukekwaho ko yaba yarahawe ruswa.

Amakuru yari ku kibuga cy’indege mpuzamahanga cya Kigali kiri i Kanombe nuko Irambona Eric Gisa yaba yacyetsweho gahunda zijyanye no kuba amaze iminsi avugana n’abafite aho bahurira na Deportivo Costa do Sol bityo akaba yaremeye kuba yakora ibishoboka kugira ngo acengeze mu bakinnyi imyumvire yo kuba batanga uburyo bwatuma Rayon Sports isezererwa.

Izi ni zimwe mu mpamvu nyamukuru zatumye ubuyobozi bw’ikipe ya Rayon Sports bufata gahunda zo gusiga uyu musore kubera kwitwara nabi ubwo yasohokaga mu mwiherero adasabye uruhusa akaba ari nabyo byabaye intandaro yo gushinjwa kugirana  ibiganiro byihariye n’abafite aho bahuriye n’iyi kipe.

Irambona Eric yasabye imbabazi ubuyobozi bwa Rayon Sports ndetse n’Abakunzi bayo muri rusange anisabanura impamvu yatumye asohoka adasabye uruhusa ndetse ku ruhande rwe agaragaza ko yababajwe cyane n’ibyaha byaruswa byamugiye ku mutwe, ubwo yagaragazaga ubu butumwa yanaboneyeho umwanya wo kwifuriza amahirwe ikipe ye.

Yagize Ati” ku rutonde rw’abazajya muri Mozambique nasohotse mu mwiherero njya murugo njyanye imyenda nakoreshaga imyitozo yasaga nabi kandi ntazayikenera… Ndasaba imbabazi umuryango wa Rayon sports kuko nakoze ikosa ryo gusohoka mu mwiherero w’ikipe ntasabye uruhushye. Kuko ntuye hafi cyane y’aho twakoreraga local numvaga bitari bunteze ikibazo ariko ndasaba imbabazi mbikuye ku mutima.
Nababajwe cyane n’ibyavuzwe nyuma kuko ntabwo imyaka maze muri iyi kipe nkunda ubu aribwo nahemukira umuryango nakuriyemo. Sindi undi muntu warya ruswa ngo ngambanire Rayon sports…
Bonne chance kuri bagenzi banjye”

Uyu mukinnyi yagaragaje ko yatunguwe no kubona atajyanye n’abagenzi be ndetse anagaragaza ko atanejejwe n’uburyo bakiriyemo imyitwarire yagaragaje bigatuma bamushinja ruswa no kuba yagambanira ikipe akunda cyane kandi amaze mo igihe kirekire.

KWIZERA Juvenal-Ibyamamare.com

 

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.