Irebere inzu y’agatangaza ya Rutahizamu w’ikipe ya Arsenal, Emerick Aubameyang(Amafoto)

Rutahizamu wa Arsenal, Pierre-Emerick Aubameyang yahaye abafana incamake y’ubuzima bwe bwiza mu rugo, yerekana icyumba cye cy’imikino n’ubusitani bwiza cyane mu nzu nshya atuyemo.

Umukinnyi w’ikipe ya Arsenal Pierre-Emerick Aubameyang, ibi yabitangarije muri Episode y’ikiganiro kivuga kubuzima bwe mugice cyiswe MTV Cribs.

Rutahizamu wa Arsenal, Pierre-Emerick Aubameyang yahaye abafana incamake y’ubuzima bwe bwiza mu rugo

Aubameyang yerekanye icyumba cye cyimikino kigezweho gifite ibikoresho byose bisabwa.

Uyu mukinnyi avugako yishimira cyane iki cyumba cy’imikino, kirimo n’imashini ebyiri zimufasha kumenya neza ibikorerwamo byose.

Ikindi gice gitangaje cyane muri iyi nyubako y’agatangaza y’uyu mukinnyi n’icyumba cyo gukiniramo cy’abana be bombi Curtys na Pierre.

icyumba cyo gukiniramo cy’abana be bombi Curtys na Pierre.

Muburyo bwo gutebya icyumba cy’abana be, Aubameyang yagize ati “N’icyumba cy’abasazi” Aubameyang yahamijeko izi ari inzozi yahoze arota ubwo yari muto, avugako yumvaga abana be bazaba mubuzima bwiza kandi yifuza ari nayo mpamvu agerageza kubaha umwanya munini cyane muri iyi nyubako yubatse y’agatangaza.

Umukinnyi mpuzamahanga w’ikipe y’igihugu ya Gabon yerekanye kandi igikoni cye kigezweho, cyuzuyemo utubati twiza twijimye hamwe n’ameza manini yo kuriraho ashobora kwakira abakinnyi bose b’ikipe ya Arsenal.

Muri iki cyumba cyo kuriramo harimo frigo nini cyane irimo amafoto ya nyina, aho agaragaza ibiribwa birimo nk’ibimuha imbaraga nkizo nyina yamuhaye kugirango abe uwo ariwe ubungubu.

Iyi nzu kandi ifite ubusitani bwiza cyane, bufite ahantu hokwicara, uba witegeye agace, atuyemo.

Pierre-Emerick Aubameyang

Pierre-Emerick Emiliano François Aubameyang (wavutse ku ya 18 Kamena 1989) ni umukinnyi w’umupira wamaguru wabigize umwuga ukina imbere asatira ni kapiteni w’ikipe y’icyiciro cya mbere mu Bwongereza Arsenal ndetse n’ikipe y’igihugu ya Gabon.

Afatwa nk’umwe muri ba rutahizamu beza ku isi, uzwiho umuvuduko udasanzwe mu kibuga

Tanga Igitekerezo ukoresheje Facebook

SHARE