Ishyirahamwe ry’umukino wa Basketball mu Rwanda ryamaganye Fabrice watereye ivi muri Kigali Arena asaba umukobwa ko yazamubera umugore

Ishyirahamwe ry’umukino w’intoki wa Basketball hano mu Rwanda Ferwaba, ryatangaje ko ridashyigikiye umusore watereye ivi muri Kigali Arena asaba umukunzi we ko yamubera umugore.

Mu ijoro ryo ku wa Gatanu tariki ya 1 Ugushyingo 2019, Rukundo Fabrice usanzwe akinira ikipe ya Espoir Basketball Club yari umwe mu bakinnyi b’intyoza bari batoranyijwe gukina All Star game 2019.

KANDA HANO UREBE VIDEO

Uyu musore yatunguye umukobwa bakundana imbere y’imbaga yari yuzuye Kigali Arena atera ivi amusaba ko yazamubera umugore anamwambika impeta ibishimangira

Ni ibirori byinshimiwe na benshi, ari nako bafata amafoto  y’iki gikorwa abandi babaha amashyi kuko ibyo uyu musore yari akoze abenshi babifashe nk’agashya ndetse iyi nkuru ni nayo yavuzwe cyane mu byaranze uyu mukino.

Kuruhande rwa Ferwaba, ishyirahamwe ry’umukino w’intoki wa Basketball mu Rwanda hamwe na Banke ya Kigali wari umuterankunga w’uyu mukino, bamaganye uyu musore Rukundo Fabrice watereye ivi muri sitade.

Ferwaba yatangaje ko yifuriza ibyiza Rukundo n’umukunzi we, gusa yibutsa abantu ko nta wukwiye kurogoya umukino runaka ngo awukoreshe mu nyungu ze bwite.

 

KANDA HANO UREBE VIDEO

Mubutumwa batambukije kuri twitter bagize bati” Kwambika umukunzi impeta umusaba ko muzabana ni igikorwa bwite cy”umuntu kitagomba gukorerwa mu kibuga cya Basketball y’ababigize umwuga. Turifuriza iyi Couple [Fabrice n’umukunzi we] ibyiza, ariko amahame ya Ferwaba ntabwo yemera ko hari abarogoya imikino basaba abakunzi babo ko bazabana cyangwa ibindi bikorwa by’inyungu zabo bwite.”

Uretse Ferwaba yikomye uyu musore wateye ivi mu birori byatambukaga kuri televiziyo y’igihugu, Banke ya Kigali  itera inkunga shampiyona ya Basketball mu Rwanda, ivuga ko nk’umuterankunga wa Basket y’umwuga idashyigikiye ibisa n’ibyo Fabrice yakoreye muri Kigali Arena.

Abo muri BK nabo bagize bati ” Muri Banki ya Kigali dushyigikira Basketball igendera ku mategeko n’amabwiriza mpuzamahanga. Dufatanyije na Ferwaba, ntabwo twemera igikorwa cyose cy’umuntu ku giti cye kinyuranyije n’amabwiriza. Turashaka ko abantu baryoherwa na Basketball ariko igendera ku mategeko yashyizweho.”

Byari ibyishimo bidasanzwe kuri uyu mukobwa

Tanga Igitekerezo ukoresheje Facebook

SHARE