“Isi Yanjye” indirimbo ya Glory Majesty yitsa ku isano y’ubuzima bushaririye yaciyemo

Kagame Bin Radjab Bin Mariam uzwi mu muziki nka Glory Majesty umwe mu baraperi Nyarwanda  ntashidikanywaho  yashyize hanze indirimbo yise “Isi Yanjye” yitsa ku buzima bushaririye yanyuzemo izagaragara ku muzingo yise “Gloriology”

“Isi Yanjye” n’indirimbo ikubiyemo urugendo rw’ubuzima bw’uyu muraperi ugitsimbaraye ku njyana y’umujinya,ntatinya kuvuga ko isaha n’isaha azashashagirana ngo  ntateshwa umwanya n’abatandukira injyana ya Hip Hop. iyi ndirimbo n’ishusho y’ubuzima bushaririye kuri bamwe hanze aha,anerura ko ifitanye isano ya hafi n’ubuzima bwe bwite.

Iyi ndirimbo by’umwihariko igaruka ku nzira zinzitane z’ubuzima bwa Glory Majesty,ihangayika ,ishakisha ry’ubuzima,ibizazane n’inzitizi zimudindiza mw’iterambere,anikoma abifite bahagira kubagishakisha ubuzima ari nako akomeza abana b’umuhanda nabo yita abasirikare b’umuhanda.

Glory Majesty amaze imyaka ahatana ngo isura ye ibe imwe muzirangamirwa muri Hip Hop Nyarwanda n’ubwo bitarabasha gucamo gusa ntawashidikanya ko ari impano ikomeye mu njyana ya Hip Hop Nyarwanda,ari mu gakundi k’amaraso mashya yabaraperi bagisunika urukuta ngo berekane ko bashoboye.

Glory Majesty uri kwigaragaza muri Hip Hop Nyarwanda

Majesty wiyita Intare y’Icyanwa mu minsi ishize yumvikanaga asa n’uhanganye na bamwe mu baraperi barambye muri iyi njyana, mw’ijwi rye rikakaye ry’iyo minsi abo bamutanze mu njyana yabashinjaga kujarajara bagatandukira injyana yoza roho ikundwa na rubanda nk’uko bikunda kuvugwa. kuri ubu intero ye n’ugushyira hamwe bagasenyera umugozi umwe.

“Isi Yanjye” ya Glory Majesty amajwi yayo yakozwe na Kina Beat uri mubarigufasha impano nshya mu mujyi wa Kigali,amashusho yayo atunganywa na Berry Filmz.

Isi yanjye by Glory Majesty

Tanga Igitekerezo ukoresheje Facebook

SHARE