Isindwe,ubwambuzi,gukurwa ku rubyiniro bimwe mu byaranze Bahati muri “Zero2Life Concert) i Gicumbi

“ZERO 2 LIFE) Ni Igitaramo cyabaye kuwa gatanu tariki 25.10.2019 cyaranzwe n’udushya twinshi harimo isindwe rikabije rya Bahati Makaca,ubwambuzi ndetse no kudatangirira ku gihe bikabije n’intonganya za hato na hato.

Ku rupapuro rwamamaza iki gitaramo “Zero 2 Life” cyagombaga gutangira isaa kumi n’ebyiri ibyamamare nka Ndimbati,,Dj Cyusa ntibahakandagije ikirenge bitewe n’impamvu Bahati atifuje gutangaza mu gihe cyatangiye i saa sita z’ijoro abantu barambiwe kuburyo bugaragara.

Usibye Bahati na Lil G na Mr Simple abandi ntibahakandagije ikirenge

Ubwo yajyaga kwerekana Film ivuga ku buzima bwe, Bahati usanzwe abarizwa mu Itsinda rya Just Family yinjiye aririmba indirimbo Nyemerera agaragara nk’uwo agatama kagezemo yakomereje ku zindi ndirimbo za Just Family ageze hagati ahagarika kuririmba atangira gushimira abamufashije.

Bamwe mu bitabiriye igitaramo ubwo bagaragaza kutamwishimira (bamutera boo) aha Bahati yagaragaje uburakari bwinshi ajya gushwana n’umwe mu bafana agerageza kumusohora ariko abari bamuri hafi bagerageza kumuhagarika bamusohora muri Salle gutyo birangira na Film atayerekanye cyangwa ngo ayivugeho.

Nyuma yo gusohorwa hanze kwa Bahati ku rubyiniro hakurikiyeho LIL G wagaragarijwe urukundo n’abafana b’i Gicumbi. Ubwo LIL G yaririmbaga Bahati yagaragaye mu bafana arikubyinana n’abakobwa dore ko yari yahawe Gasopo ko atemerewe gusubira ku rubyiniro kubera isindwe ryinshi.

Lil G ubwo yarari ku rubyiniro yishimiwe n’abanya Gicumbi

Nyuma y’igitaramo havutse ikibazo ubwo BAHATI yangaga kwishyura amafaranga ibihumbi cumi na bitanu(15000fRW) byakodeshejwe Projector yagombaga kwifashishwa mu kwerekana Filime mbarankuru  ye “Zero to Life“. Ibi byababaje bany’ir’akabari Luxe Pub iyi Concert yabereyemo.

Bahati uyu yanze  kwishyura kandi umusore wabafashije mu gucunga umutekano w’aho binjiriraga bituma ba ny’ir’akabari bafatira umukobwa wishyuzaga akanatanga amatike yo kwinjiriraho. Baje kumugomboza bishyuye “Bouncer) wacungaga umutekano ku muryango.

MC Gaby Gael wabafashije muri iyi Concert nk’umushyushya rugamba ubwo yegeraga Bahati ngo amwishyure uyu Mc Gaby usanzwe ari n’umunyamakuru , Bahati yamuteye atwatsi amuha amafaranga magana atanu (500Frw) ngo atege moto ibyababaje uyu munyamakuru hafi yo gufatana mu mashati.

Bahati Makaca nyuma yizi mvururu yakijijwe no kwinjira mu modoka imukura ahabereye igitaramo birangira yanze no kuvugana n’Itangazamakuru.

Tanga Igitekerezo ukoresheje Facebook

SHARE