Search

Israel Mbonyi afatanyije n’abakunzi be bari kwubakira umuryango utishoboye inzu ya miliyoni 5 (Amafoto)

IBM Radio Listen Live

KANDA HANO UREBE VIDEO

Umuhanzi w’indirimbo zihimbaza Imana, Israel Mbonyi afatanyije n’abakunzi be bibumbiye muri ‘Israel Mbonyi Foundation’ batangiye kwubakira umuryango utishoboye inzu yo guturamo mu mafaranga uyu muhanzi aherutse gusarura mu gitaramo cyo kumurika album aherutse gukora.

Israel Mbonyi n’abakunzi be bibumbiye muri Israel Mbonyi Faondation bari mu gikorwa cyo kwubakira umuryango utishoboye mu murenge wa Ndera.

Ku itariki ya 10 Ukuboza 2017 nibwo Israel Mbonyi yakoze igitaramo cyo cy’amateka cyo gushyira ahagaragara album ye ya kabiri yise ‘Intashyo’.

Uyu muhanzi umaze kwigarurira imitima ya benshi mu bakunzi b’indirimbo z’ihimbaza Imana, mbere yuko akora iki gitaramo yafatanyije n’abakunzi be bibumbiye mu cyo bise ‘Israel Mbonyi Foundation’ batangiza ibikorwa byo gufasha abababaye.

Ibikorwa bitandukanye byo gufasha Mbonyi n’abakunzi be bakoze byagarutsweho mu buhamya bwatanzwe mu gitaramo cye ari nabwo herekanwe amashusho y’ubuzima butari bwiza umuryango wa Mucyo Eustache wari ubayemo mu Murenge wa Ndera bityo uyu muhanzi yiyemeza kumufasha ahereye ku nkunga yakuye muri iki gitaramo.

Mu mpera z’iki cy’umweru dusoje nibwo Mbonyi na bamwe mu bagize Umuryango Israel Mbonyi Foundation bagiye mu Murenge wa Ndera mu Karere ka Gasabo batangiza igikorwa cyo kubakira inzu nziza umuryango wa Mucyo.

Nyuma y’iki gikorwa Mbonyi aganira n’itangazamakuru yagize ati “Iki gikorwa ni kimwe muri gahunda n’ubundi z’umushinga nise ‘Intashyo’. Mu gukora iriya album nitiriye uyu mushinga natekereje cyane ku bakene, abababaye nanjye numva koko ngomba kubaha intashyo, nkabaha ubutumwa bw’ihumure, abatambaye nkabashakira imyenda.”

Uyu muhanzi yavuze ko iki gikorwa cyo kubakira Mucyo Eustache inzu nziza azabanamo n’umuryango we biteganyijwe ko kizatwara miliyoni eshanu ubariyemo na bimwe mu bikoresho by’ibanze azahabwa.

Ati “Igikorwa cyo kubakira Mucyo no kumushyiriramo intebe n’ibindi byose twagiteganyirije miliyoni eshanu, ntabwo yose twamaze kuyabona ariko ayo dufite kugeza ubu arajya kwegera aho ikindi kandi abantu baracyadufasha, twizeye ko bizagenda neza tugafasha uyu muryango.”

Ubwo igikorwa cyo gutangira gusana inzu ya Mucyo n’umuryango we cyatangiye yahise akodesherezwa indi aba acumbitsemo mbere y’uko imirimo yo kumwubakira irangira neza.

Biteganyijwe ko inzu ya Mucyo izuzura mu minsi mirongo itatu, nyuma yaho Israel Mbonyi n’aba bakunzi be bakahita bakomeza ibindi bikorwa bitandukanye by’urukundo.

Israel Mbonyi n’abakunzi be babanza gukata icyondo cyo kubumba amatafari.

Iyi nzu ya Mucyo Eustache yendaga kumugwaho bizasaba ko yose bayishyira hasi babo kuzamura indi.

Abagize Isreal Mbonyi Foundation bafatanya na Mbonyi mu bikorwa by’urukundo.

Aimable Twahirwa nawe numwe mu bagize Israel Mbonyi Foundation.

Israel Mbonyi ari kubumba amatafari.

Bapima neza inguni z’umusingi w’iyi nzu barikwubakira umuryango wa Mucyo.

Mucyo Eustache n’umufasha we bishimiye ko Mbonyi agiye kububakira neza inzu.

 

 

Ivan Heritier

Comments

comments




Leave a Reply

Your email address will not be published. Required fields are marked *