Search

Israel Mbonyi yongeye gukora igitaramo cy’amateka amurika album ye ya kabiri ‘Intashyo’ (Amafoto)

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Mbonyicyambu Israel umuhanzi umaze kwigarurira imitima ya benshi mu bakunzi b’indirimbo zo kuramya no guhimbaza Imana, yongeye gukora igitaramo cy’amateka ubwo yamurikaga album ye ya kabiri yise ‘Intashyo’. Iki gitaramo cyitabiriwe n’ibihumbi by’abantu bamwe babura naho bicara.

Israel Mbonyi yahembuye imitima ya benshi mu gitaramo cyo kumurika album ye ya kabiri yise ‘Intachyo’.

Ku mugoroba wo kuri iki Cyumweru, tariki 10 Ukuboza 2017 nibwo Israel Mbonyi yakoze igitaramo cyo kumurika albumye ya kabiri.

Iki gitaramo cyabereye ahagutse mu ihema rya Akagera Hall muri Kigali Conference & Exhibition Village, hahoze hitwa Camp Kigali. Iki gitaramo gitandukanye n’ibindi dusanzwe tumenyereye kuko cyatangiriye ku gihe nkuko byari biteganyijwe.

Abitabiriye iki gitaramo batangiye kuhagera hakiri kare ku buryo ahagana saa kumi n’imwe umuhanzi wa mbere yari atangiye kuririmba. Umuhanzi Luc Buntu niwe wabimburiye abandi baririmbye ku gera ku rubyiniro, yinjiza abantu mu mwuka wo kuramya yishimirwa na benshi mu ndirimbo zitandukanye yaririmbye.

Luc Buntu yashimishije abitabiriye iki gitaramo, agaragaza impano yihariye mu kuramya imana.

Yakurikiwe na Patient Bizimana wagiyeho nyuma y’umudiho n’ubuhanga bwerekanywe n’abacuranze muri iki gitaramo bifashishije ibyuma nka Guitar na Saxophone byanyuze imbaga. Patient Bizimana yavuze ko igitaramo cya Mbonyi n’uburyo cyitabiriwe ari umugisha ku bahanzi bose bo mu Rwanda.

Nyuma ya Patient, ahagana saa kumi n’ebyiri n’igice nibwo Israel Mbonyi yakiriwe ku rubyiniro na Evangelist Kwizera Emmanuel wari uyoboye iki gitaramo, abantu bose bahise biyamira barahaguruka abandi bavuza ibivugirizo, bahanika amajwi bamufasha kuririmba indirimbo yitwa “Sinzibagirwa” yahereyeho.

Uyu muhanzi yakoze igitaramo mu byiciro bitatu, yaririmbye indirimbo hafi ya zose ziri kuri album ye ya mbere, ku ya kabiri yaririmbye enye zimaze gusohoka gusa afatanya n’abitabiriye baririmbanye zose badasobwa amagambo azigize.

Mbere yuko Mbonyi aririmba “Intashyo” indirimbo yitiriye album ye nshya, yavuze ko yayanditse amaze gusoma ubutumwa bukubiye muri Yesaya 40:1 aho Imana isaba abantu guhumuriza bagenzi babo no kubabwira ko ikibafite mu mugambi aboneraho gutashya abababaye n’abaremerewe.

Umuhanzi Dudu uturuka mu Burundi nawe waririmbye muri iki gitaramo, yavuze ko indirimbo za Mbonyi zamwomoye ibikomere mu bihe bikomeye by’umwihariko yashimangiye ko iyitwa “Ku Marembo y’Ijuru” yamufashije muri uyu mwaka ubwo yanyuze mu bihe bikomeye n’umuryango we akarwaza umwana.

Umuramyi ukomeye Aimé Uwimana nawe yaririmbye indirimbo zirimo ‘Urakwiriye Gushimwa’ agorora ijwi mu buryo bw’inyuramatwi busana imitima, anavuga isengesho rishimangira ugukomera kw’Imana.

Byari ibyishimo ndengakamere ku bihumbi byitabiriye igitaramo cyo kumurika album ya kabiri ya Israel Mbonyi. Yishimiwe bidasanzwe n’abakunzi b’umuziki wo kuramya no guhimbaza Imana mu ngeri zinyuranye, abitabiriye barimo abakuze, abasheshe akanguhe n’abakibyiruka. Benshi bafashwaga bagacinya akadiho batambira Imana.

Evangeliste Emmanuel Kwizera niwe wari uyoboye iki gitaramo.

Patient Bizimana nawe yishimiwe cyane mu gitaramo cya Israel Mbonyi.

Israel Mbonyi akigera ku rubyiniro yahereye ku ndirimbo yise ‘Hari ubuzima’ abafana ba mufasha kuyirirmba.

Uhereye ibumoso Bruce Melody, Clement umugabo wa Knowless, umuvandimwe wa Clement, Knowless Butera na Aline Gahongayire bari mu baje gushyigikira Israel Mbonyi.

Ibyishimo byari byose ku bitabiriye iki gitaramo.

Pastor Ruhimbya Aaron uyobora itorero rya Restoration Church Kimisagara na Madamu bari mu bitabiriye iki gitaramo cya Mbonyi.

Yvan Buravana nawe yari mu bitabiriye iki gitaramo.

Iki gitaramo cyitabiriwe ku rwego rwo hejuru.

Mike Karangwa nawe yari mu bitabiriye iki gitaramo cyo kumurika album ‘Intashyo’ ya Mbonyi.

Umuramyi Aimé Uwimana ni umwe mu baririmbye mu gitaramo cya Israel Mbonyi.

Umuhanzi Nelson Mucyo yari yafashijwe muri iki gitaramo.

Umuhanzi Christopher nawe yari yaje gushyigikira Israel Mbonyi.

Dudu uturuka i Burundi nawe yaririmbye muri iki gitaramo.

Dudu yavuze ko indirimbo za Mbonyi za mwomoye ibikomere mu bihe bikomeye yanyuzemo muri uyu mwaka turigusoza.

Serge Iyamuremye yaririmbanye na Dudu mu gitaramo cya Mbonyi.

Pastor Ruhimbya Aaron niwe wari uhagarariye Itorero rya Restoration Church ari naryo Israel Mbonyi abarizwamo.

Israel Mbonyi yahawe impano ya firigo na Konka, ayishyikirizwa na Aline Gahongayire.

David Bayingana wari mu bateguye iki gitaramo, yakurikiraniraga hafi uko kirikugenda.

Inkweto Israel yari yaserukanye muri iki gitaramo.

Ubwo Israel Mbonyi yaririmbaga “Hari Ubuzima” yagiye mu bantu b’inyuma afatanya na bo kuyiririmba.

Dudu, Patient Bizimana, Aime Uwimana na Israel Mbonyi bafatanyije kurirmba ‘Mfite impamvu’.

Dominic Ashimwe yatunguriwe muri iki gitaramo bamwifuriza isabuku nziza.

Dominic ashimira Mbonyi wari umutunguye akamwifuriza isabukuru nziza imbere y’imbaga.

Benshi bahagiriye ibihe byiza byo gusabana n’Imana.

CDs za album nshya ya Mbonyi yise Intashyo zagurishwaga muri iki gitaramo.

Itsinda rya Kigali Time Service nibo bakoze protocole muri iki gitaramo.

 

 

 

Ivan Heritier

Comments

comments




Leave a Reply

Your email address will not be published. Required fields are marked *