Search

Israel Mbonyi,Aline Gahongayire na Alarm Ministries bahuriye mu giterane cyo kubwira Imana ko tunyuzwe

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Mu rwego rwo gusoza  umwaka w’i 2017 dushima Imana minisiteri y’ivugabutumwa yitwa “Urufunguzo rw’amahoro “(KSPM:Key for Sustainable Peace Ministries ) iteguye igiterane gikomeye  cyo gushima Imana banayisaba ko uburinzi bwayo bwakomeza kuba kubantu bayo no mu mwaka mushya wa 2018 ,iki giterane bakaba bagihaye  intego ivugango “Tunyuzwe n’ibyo Imana yakoreye abanyarwanda ,itorero ryayo ndetse n’igihugu cy’u Rwanda” 

Bishop Mukansigaye Maggie umuyobozi w’Urufunguzo rw’amahoro Ministries (KSPM Key for Sustainable Peace Ministries )

Abahanzi batandukanye kandi bakunzwe n’amatsinda yo guhimbaza Imana azataramira abazitabira iki giterane cyo gushima Imana barimo Israel Mbonyi ,Aline Gahongayire,Umukirigitananga Deo Munyakazi ,Umuramyi Bikorimana Emmanuel (Bikem ) hamwe n’amatsinda arimo Alarm Minisitries ,Glory of God Worship Team hamwe n’amakorali atandukanye n’abakozi b’Imana babwiriza ijambo ry’Imana ribohora imitima y’ababumva .

Iki giterane kizaba ku wagatanu w’iki cyumweru taliki ya 29 Ukuboza 2017  kikazabera kuri Petit Stade i Remera kuva ku masaha ya saatatu za mugitondo  kugera saacyenda z’umugoroba .

Bishop Mukansigaye  Maggie umuyobozi w’Urufunguzo rw’amahoro Ministries (KSPM: Key for Sustainable Peace Ministries ) mu kiganiro yagiranye n’itangazamakuru  yavuzeko Urufunguzo rw’amahoro Ministries((KSPM: Key for Sustainable Peace Ministries ) ikora ivugabutumwa yibanda cyane ku nkingi zirimo Urufunguzo rw’amahoro arambye mu biganza by’abagore b’abakristo,Gutegura urubyiruko nk’irerero ryiza ngo rukure rukundwa n’Imana n’abantu kandi bagategurwamo kuzavamo abayobozi beza b’itorero n’igihugu  bubaha Imana hakaba n’inkingi ya gatatu y’imbaraga zo gushyira hamwe kw’abakozi b’Imana nk’inzira yo guca amakimbirane yo mu mitima .

Ati :”Buri nkingi imwe muri izi igira ibikorwa byayo bigenda biganisha ku ntego n’umumaro wayo ku gihugu n’itorero ry’Imana muri rusange ati:”Iki giterane duteguye kijyanye n’inkingi ya gatatu ivuga ku mbaraga zo gushyira hamwe kw’abakozi b’Imana nk’inzira yo guca amakimbirane yo mu mitima kuko tuzaba dushima Imana aho iguhugu cyacu kigeze mu bumwe n’ubwiyunge bw’abanyarwanda tunerekena ubumwe bw’abakozi b’Imana mw’itorero ryayo ari nayo mpamvu twagihaye intego rusange igira iti “Turanyuzwe “(1 Abami 10:6-10).

Bishop Mukansigaye  Maggie yakomeje avugako abanyarwanda bakwiye gushima Imana kuko tunyuzwe n’amahoro n’umutekano Imana yahaye u Rwanda byose bishingiye k’ubuyobozi bwiza dufite ati:”Umuntu wese uzirikana aho u Rwanda rwavuye akarugereranya naho rugeze ubu akwiye kuza kwifatanya natwe muri iki giterane kuko azaba ari uburyo bwiza bwo kwereka Imana ko ikorera imirimo n’ibitangaza abantu batari indashima kandi tuzanasenga dusaba Imana ngo uko yabanye natwe mu myaka yatambutse abe ariko izanadufasha mu mwaka mushya w’i 2018

Urupapuro rwamamaza iki gitaramo

Twibutseko Iki giterane kizaba ku wagatanu w’iki cyumweru taliki ya 29 Ukuboza 2017  kikazabera kuri Petit Stade i Remera kuva ku masaha ya saatatu za mugitondo  kugera saacyenda z’umugoroba  kikazitabirwa n’abaririmbyi bakunzwe barimo Israel Mbonyi ,Aline Gahongayire,Umukirigitananga Deo Munyakazi ,Umuramyi Bikorimana Emmanuel (Bikem ) n’amatsinda nka Alarm Minisitries ,Glory of God Worship Team hamwe n’amakorali atandukanye n’abakozi b’Imana babwiriza ijambo ry’Imana ribohora imitima y’ababumva kandi kwinjira bikaza ari ubuntu ku muntu wese.

 

Comments

comments




Leave a Reply

Your email address will not be published. Required fields are marked *