Search

Itsinda rya Active rigiye kujyana mu nkiko abateguye igitaramo cya Runtown Experience Kigali

IBM Radio Listen Live

KANDA HANO UREBE VIDEO

Itsinda rya Active riravuga ko rigiye kujyana mu nkiko abateguye igitaramo cya Runtown cyabereye i Kigali mu mpera z’icyumweru gishize, bitewe nuko batubahirije amasezerano bagiranye n’iritsinda ari nabyo byaje gutuma ritaririmba muri iki gitaramo kandi baramamajwe ndetse bari banageze aho cyabereye biteguye ko baririmba.

Active ngo bagiye kujyana mu nkiko abateguye igitaramo cya Runtown Experience Kigali.

Nyuma yuko iki gitaramo kirangiye itsinda rya Active ritaririmbye kandi bageze aho cyabereye ubona ko biteguye gushimisha abakunzi babo, twababajije impamvu yabyo maze mu kiganiro kigufi batubwira ko bagiye kwicara bakareba uko bajyana mu nkiko abateguye iki gitaramo, bitewe nuko batubahirije amasezerano ndetse bakagerekaho kubasuzugura no kubatesha umwanya.

Amasezerano aba basore bari bafitanye n’abateguye iki gitaramo nuko bagombaga kujya kurubyiniro bamaze kwishyurwa amafaranga yose bari bavuganye, ariko siko byaje kugenda ahubwo abateguye iki gitaramo ngo bakomezaga kujijisha aba basore bashaka ko baririmba nyuma bagasigara bishyuza kuko bacyekaga ko batakwanga kuririmba kandi baje biteguye.

Active kandi bavuga ko beretswe agasuzuguro gakomeye kuko ngo no kuba babatesheje umwanya nk’uwo bataye nabyo biri mubyo uwateguye iki gitaramo agomba kuryozwa.

Twifuje kuvugana na Collin wari wateguye iki gitaramo ariko atubwira ko afite inshingano nyinshi arimo azatuvugisha nyuma y’acyo, kuri uyu wa mbere twagerageje kumuhamagara kuri telefone ye igendanwa igacamo ariko akanga kuyifate.

Aba basore bazwiho kuba ababyinnyi beza.

Iritsinda ryari ryamamajwe ko rizaririmba muri iki gitaramo bipfa ku munota wanyuma.

 

 

Ivan Heritier

 

Comments

comments




Leave a Reply

Your email address will not be published. Required fields are marked *