Search

Itsinda rya Destiny’s Child ryongeye guhurira ku rubyiniro nyuma y’imyaka 12 baratandukanye (Amafoto)

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Nyuma y’imyaka isaga 12 itsinda rya Destiny’s Child ryari rigizwe n’abakobwa batatu aribo Beyonce, Kelly Rowland na Michelle Williams risenyutse, mu buryo butunguranye aba bakobwa bongera guhurira ku rubyiniro mu gitaramo.

Destiny’s Child yatunguranye bongera guhurira ku rubyiniro baririmba mu gitaramo.

Kuri uyu wa Gatandatu tariki ya 14 Mata 2018 nibwo itsinda rya Destiny ‘s Child ryongeye gutungurana baririmba mu iserukiramuco rikomeye rya Coachella ryabereye muri California.

Muri iri serukiramuco Beyonce niwe wari umuhanzi w’imena ku munsi waryo wa kabiri, ubwo yari ageze hagati aririmba yahise ahamagara bagenzi be Kelly Rowland na Michelle Williams bahoze bagize Destiny’s Child bafatanya kuririmba.

BBC dukesha iyi nkuru ivuga ko amarangamutima ya benshi muri bari aho yazamuwe no kongera kubona Beyonce, Kelly Rowland na Michelle Williams bari kumwe ku rubyiniro baririmbana nka Destiny’s Child.

Baririmbye zimwe mu ndirimbo zabo zakunzwe cyane mu myaka yashize zirimo iyitwa ‘Lose My Breath’ , ‘Say My Name’ na ‘Soldier’ yanakunzwe bikomeye.

Destiny’s Child yashinzwe mu 1997 isenyuka mu mwaka wa 2006. Ni ubwa mbere bongeye kugaragara baririmbana mu gitaramo nyuma y’uko mu mwaka wa 2015 nabwo batunguye abantu bagaragara bari kumwe mu birori byo gutanga ibihembo bya Stellar Gospel Music Awards.

Beyonce yaririmbye muri Coachella Festival 2018 nyuma y’uko mu mwaka wa 2017 aribwo yagombaga kuyitabira ariko ntibyakunda kuko yabaye mu gihe yari akuriwe yitegura kubyara.

 

 

Ivan Heritier

Comments

comments




Leave a Reply

Your email address will not be published. Required fields are marked *