Iyi St Valentin yitezweho ubwiyongere bw’abazatera akabariro / Dore Amafoto y’Indabo ziri kugurwa kubwinshi, abakundana bazasurana kuko ntaho gusohocyera hahari.

Impande n’impande biri gucicikana ko St Valentin y’uyu mwaka wa 2021 igiye kuba idasanzwe ,urigusanga imyiteguro irimbanyije cyane abantu bagura impano ziherekejwe n’akarabo k’iroza gafatwa nk’ikimenyetso cy’urukundo. Kubakundana batari babana , imigambi n’ukwirirwana munzu bishobora kuvamo ubwiyongere bwo gukora imibonano mpuza bitsina cyane nyuma yuko ngo aho gusohocyera ari ntaho.

Tariki ya 14 Gashyantare buri mwaka , isi yose yizihiza umunsi mukuru w’abakundanye witiriwe mutagtifu Valentin. Numunsi urangwa n’ihanahana ry’impano ziherekeje n’ururabo rw’iroza , abakundana bagirana akanya ko kuganira kumubano wabo bishimira kuba bari kumwe.

Abacuruza izi mpano mu mujyi wa Kigali baravugako ziri kugurwa kubwinshi , bityo nabo banahisemo kuzibapfunyikira kuburyo bwiza bugezweho kandi busirimutse , aho ugurira umukunzi wawe impano ipfunyikanye n’ururabo rwayo biberanye.

Abacuruza indabo mu mujyi wa Kigali barimo Ntezimana Sandra na Nyishimire Gisele bavuzeko ubu basigaye bafunga indabo kuburyo bwiza. byahereye mu mahanga ariko ninaha babizanye , kuburyo ugurira umukunzi wawe impano nziza kandi ifunganye n’imitako yiganjemo indabo z’iroza.

Ikigo k’igihugu gishinzwe kohereza mu mahanga ibikomoka ku bimera , giherutse gutangazako uyu mwaka u Rwanda rwagurishije indabo nyinshi mu mahanga kubera iyi myiteguro ya St Valentin.

Mubo twagiye tuganira nabo , abakobwa bavugaga ko ntaho gusohocyera hahari ibirori ari ukubera muri geto (inzu za gisore) z’abakunzi babo bazaba basuye , naho abahungu bo ahanini usanga baba bibana , ngo biteze ko bazasurwa bakirirwa mubyishimo by’urukundo.

Izi mpano zigezweho abanyamujyi bari kuzishimira cyane.
Ziri mubwoko butandukanye.
Abacuruza izi mpano bayigutunganyiriza ukurikije ibyo uwo uyiguriye akunda.
Impano bazipfunyika neza.
Impano yagenewe abakobwa iri mugakarito karimo ibintu bitandukanye.
Izi mpano nziza ziherekejwe n’ikarita iriho amagambo meza y’urukundo.
Impano nkizi sizo mu bihugu byateye imbere gusa , kuko no mu Rwanda zirahari.
Udukweto twiza ndetse n’imyambaro biherekejwe n’akarabo k’iroza , nabyo n’impano nziza umukobwa yagenera umusore bakundana.
Aka kagenewe abakubwa bakunda kwisiga ibirungo by’ubwiza kuko aribyo birimo.
Udukweto tw’abakobwa , imibavu n’ibindi biri kugurwa kubwinshi.

Tanga Igitekerezo ukoresheje Facebook

SHARE