Uyu ni umuhango wari umaze iminsi utegurwa nkaho wasangaga mu mihanda imwe n’imwe yegereye stade amahoro hagaragara amabendera y’igihugu cy’URwanda agaragaza igikorwa gifatwa nk’igikomeye mw’idini rya Catolique ndetse ukaba witabiriwe n’abakirisitu bagera ku bihumbi 25,000 bavuye mu ma paruwasi zo muri Kigali ndetse no hanze yayo.

Kuri iki cyumweru tariki 27 mutarama 2019 ahagana mu masaha ya saa 9:00Am nibwo uyu muhango wasaga n’utangira ku mugaragaro ndetse umukuru w’igihugu akaza kuhagera ahagana mu ma sa 10:00Am ari nawe mushyitsi mukuru wari utegerejwe nyuma y’intumwa ya Papa mu Rwanda Andrzej Józefowicz nayo yari yitabiriye uyu muhango.

Umushumba mushya Antoine Kambanda wimitswe yatoranijwe na Papa Francis ku itariki 11 ugushyingo 2018,nyuma yaho yari asanzwe ari Musenyeri wa Dioseze ya Kibungo akaba yimitswe asimbuye Thadee’ Ntihinyurwa wahawe ikiruhuko cy’izabukuru. Uyu Kambanda Antoine Yabaye Padiri muri Dioseze ya Kabgayi yimitswe na Mutagatifu Papa Yohani pawulo wa 2, Uyu muhango kandi waranzwe n’amasengesho atandukanye,indirimbo ndetse n’imbyino zihimbaza imana mw’idini rya CatholiqueAbanyagaturika imbere y’imbaga nini y’ibihumbi by’abakirisitu bari bakubise buzuye Stade Amahoro gusa benshi bari buzuye urujijo kuri imwe mu migenzo yahakorerwaga ifatwa nko kwakira umugisha.


Mw’ijambo yagejeje kubari bitabiriye uyu muhango Antoine Kambanda yavuze ko yiteguye gufatanya n’abakirisitu mu bikorwa byose birimo no kubaka Ikanisa nshyaCathederal ndetse ashimira cyane Thadee Ntihinyurwa ucyuye igihe kubyo yagejeje kuri Dioseze ya kigali bitari bike.


Perezida wa repubulika y’URwanda Paul Kagame niwe wasoje uyu muhango ageza kubari bitabiriye uyu muhango ijambo rye ry’umunsi aho yatangiye ashimira Abasenyeri batandukanye,intumwa ya papa mu Rwanda,Abihaye Imana bose ndetse n’abandi bashyitsi batandukanye,Umukuru wigihugu yakomeje yifuriza Umushumba mushya Antoine Kambanda Kuzagira imirimo myiza ndetse amwizeza kuzafatanya nawe mu kubaka Cathederal nshya abivuga mu izina ry’abanyarwanda bose.

Tanga igitekerezo

Ntugire ikibazo Email yawe ntabwo tuyigaragaza kurubuga (*).

Ibitekerezo(1)