• Yagonzwe n’imodoka imuca hejuru arapfa
• Yamaze iminsi itatu muri moruge, arazuka
• Muri iyo minsi itatu yabonye Yesu, abuzwa kumureba mu maso
• Mu minsi itatu yamaze murupfu yaganiriye n’Imana imuha ubutumwa azana ku isi.

Rukundo Jean Damascene ni umugabo wubatse afite umugore n’abana babiri, atuye mu Kagari ka Kagugu, umurenge wa Kinyinya akarere ka Gasabo.
Rukundo ahamyako asengera mu itorero rya Restauration Church, akaba n’umuvugabutumwa muri iri torero.

Mubuhamya burebure Rukundo yahaye ikinyamakuri Ibyamamare.com, yahamijeko yapfuye akamara iminsi itatu muri moruge y’ibitaro bya CHUK, nyuma yiyo minsi itatu ngo yarazutse arongera asubirana ubuzima.


Urupapuro yahawe n’ibitaro bya CHUK bimwishyuza amafaranga yo muri moruge

Rukundo avugako yakoze impanuka taliki 31 Nyakanga 2017, agonze n’imodoka, ngo yacitse akaguru mo ibice bine avira mu mutwe no mu gatuza, yahise ajyanwa mu bitaro bya Kibagabaga, bamuvanayo ajyanwa CHUK ari naho yahise ashyirwa muri koma, ava muri koma yashizemo umwuka aribwo yahise ajyanwa muburuhukiro bushyirwamo abapfuye.

Rukundo amaze gupfa ahamyako hari irindi yerekwa yahise agira, ahabwa ubutumwa azavuga ubwo azaba agarutse ku isi abuzwa gukira icyo agabanyaho cyanga icyo yongeraho.

Muri iyo minsi itatu yamaze ari muri moruge yavuganaga n’Imana ndetse yanabonye Yesu, ahagaze ku gasozi karekare ari mu ishusho irabagirana abona ateze ibiganza maze uwiteka amubuza kumureba mu maso kuko iyo amureba ngo ntabwo yari kugaruka ku isi.

Muri ubu buhamya uyu mugabo avugako yageze ku marembo y’ijuru ariko ngo ntabwo yigeze yinjiramo.

Uyu mugabo ufite ibipapuro byose byerekana ko yishyuzwa amafranga yuko yashyizwe muri moruge, avugako kugirango avemo, abakozi bakora muri moruge bazanye umurambo bagatungurwa nogusanga, uwo bashyizemo yapfuye ari kureba ndetse ahumeka umwuka w’abazima maze baratangira batokesha mu izina rya Yesu.


KURIKIRANA IKIGANIRO WUMVE UBUHAMYA BWA RUKUNDO.

KURIKIRA IGICE CYA KABIRI

Tanga igitekerezo

Ntugire ikibazo Email yawe ntabwo tuyigaragaza kurubuga (*).

Ibitekerezo(0)