J.LUC,SUDIK,FUADI na GICUMBI,abanyamakuru ba sport bari bakunzwe cyane kuri Radio10 bamaze kwirukanwa burundu

Imfurayiwacu Jean Luc, Gakwavu Sudik, Fuadi Uwihanganye na Benjamin Gicumbi bari bakunzwe mubiganiro by’imikino kuri Radio na TV10 bamaze kwirukanwa burundu ndetse bahita basimbuzwa.
Biravugwako birukanwe bazira gukorera mukwaha kw’abahoze babakoresha kuri iyi Radio ariko batakihakora.
Amakuru agera ku kinyamakuru IBYAMAMARE.com aravuga ko abanyamakuru bari bakunzwe cyane mu rubuga rw’Imikino kuri Radio10 na TV10 bamaze kwirukanwa mu mirimo yabo nyuma yo gushinjwa kuba bakorera mu kwaha kwa bamwe mu bayobozi b’iyo radio nabo baherutse kwirukanwa.
Imurayiwacu Jean Luc yari umwe mubanyamakuru bari bakunzwe cyane kuri Radio TV10
Imfurayiwacu Jean Luc, Gakwavu Sudik, Fuadi Uwihanganye na Benjamin Gicumbi bose bakoraga mu rubuga rw’imikino.
Aba banyamakuru bahise basimburwa na SAM KARENZI wari umuvugizi w’ikipe ya Bugesera FC akaba yaramenyekanye cyane kuri radio Salus ikorera mu Karere ka Huye, Antha wari usanzwe ukorera Radio na TV10.
AMARASO MASHYA. Guhera  tariki 09/06/2020 twabazaniye abanyamakuru bashya, muzajya mubana mu biganiro by’imikino: Sam Karenzi , Eric Nsabimana na Mucyo Antha.

Aba banyamakuru birukanywe bari barigaruriye imitima y’abakunzi benshi kubera ubusesenguzi mu mikino itandukanye yo mu Rwanda no hanze.

Fuadi na Gicumbi nabo birukanwe

Amakuru atugeraho aravuga ko nyuma y’isezererwa rya Jado Castar na David Bayingana kuri iyo radio, bano bagabo nabo bakomeje gukorera mu kwaha kwa abahoze ari ba shebuja birukanywe ndetse bagashinjwa kurema ibice mu banyamakuru n’abakozi ibintu byakuruye umwuka mubi mu bakozi ngo bikangiza n’imikorere ya Radio.

Kugeza ubu ntiharamenyekana aho bano bagabo bazerekeza ubuzima bwabo mu mwuga w’itangazamakuru, ariko bamwe mu bakunzi ba sport mu Rwanda barasanga iyo radio itakaje inkingi za mwamba mu gisata cya sport.

Hari andi makuru agera ku kinyamakuru IBYAMAMARE.com avugako, ibi byose byatewe no kuba Bagirishya Jado Castar na David Bayingana, baba baramaze gushinga igitangazamakuru cyabo bwite cy’amajwi n’amashusho gikomba gutangira gukora mu minsi ya vuba.

Iki gitangazamakuru bagishyize mu mpine z’amazina yabo bacyita B & B 99.5FM, B&B bisobanuye Bagirishya na Bayingana, biravugwako aba bagabo basenyaga Radio 10 bagamije kubaka ikigitangazamakuru cyabo.

Gicumbi muri Studio za Radio TV 10
Fuade muri Studio za Radio na TV 10

Tanga Igitekerezo ukoresheje Facebook

SHARE