James na Daniella bizeye kwuzuza Kigali Arena mu gitaramo gikomeye bazamurikiramo album bise ‘Mpa Amavuta’

Couple ya James na Daniella ikunzwe na benshi mu ndirimbo zitandukanye zo guhimbaza Imana ,igezekure imyiteguro y’igitaramo gikomeye bazakorera muri Kigali Arena bise “Mpa Amavuta Live Concert” batumiyemo izindi couple z’abaramyi.

Ku Cyumweru tariki ya 1 Gicurasi 2020 nibwo James na Daniella bazakora igitaramo cyabo cyambere gikomeye muri Kigali Arena.

Mu kiganiro n’abanyamakuru cyabaye kuwa Gatatu aho iki gitaramo kizabera, aba baramyi nabo bazafatanya bavuze ko imyiteguro yose yarangiye kandi yagenze neza igisigaye ari uko umunsi ugera.

James na Daniella bakurukije uko abantu bitabiriye kugura amatike mbere, barizera ko Imana izabafasha bakuzuza Kigali Arena inyubako ya mberey’imyidagaduro mu Karere u Rwanda ruherereyemo.

Iki gitaramo ngo kizaba kigizwe n’ibice bitatu aribyo kumurika album, kuramya no guhimbaza ndetse no gusabana n’Imana.

Mu bandi bahanzi bazaririmba muri iki gitaramo harimo couple ya Papy Clever na Dorcas, Maya na Fabrice, Ben na Chance hakaza na couple ya Amanda Fung na Olivier Kavutse bo muri Beauty for Ashes. Abatari couple ni Prosper Nkomezi, Gaby Kamanzi, Rene Patrick na Nesron.

James yavuze ko nubwo mu guhitamo abazabafasha bibanze ku ma couple bitavuze ko ari igitaramo cy’amacouple gusa, yagize ati “Kuba abakundana ari bo bazacyitabira ni agace gato, ni igitaramo cyo kuramya no guhimbaza Imana, nutarubatse agomba kuzaza kwiga kuko kizanamurikirwamo album ibyo byose bireba n’abatubatse.”

Kwinjira muri iki gitaramo ni 5,000Frw, 10,000Frw na 20,000Frw kubazagurira amatike ku muryango mu gihe abayaguzembere y’itariki 25 Gashyantare bagabanyirizwagaho 30%.

imiryango izaba ifunguye saa munani z’amanywa, saa munani n’igice kugeza saa cyenda bazaba bari gusenga, saa cyenda umuhanzi wa mbere azaba ageze ku rubyiniro kuko igitaramo kizarangira saa moya z’umugoroba.

Kugeza ubu umuryango James na Daniella bafitanye abana babiri, bavuga ko bifuza kubera urugero imiryango ibana mu gukorera Imana kandi bafatanyirije hamwe. Bati “Gukorera Imana ni byiza ariko iyo uririmbana n’umugore wawe biba ari umugisha kurushaho. Turashaka gutera ishyaka abandi mu gukorera Imana nk’umuryango.”

James na Daniella hamwena bamwe mu bahanzibazabafasha muri iki gitaramo ubwo bari mu kiganiro n’abanyamakuru.

Urupapurorwamamaza iki gitaramo.

 

Tanga Igitekerezo ukoresheje Facebook

SHARE