Search

Jay Polly yagaragaje icyifuzo afite mu gihe itsinda Tuff Gang ryazaba ryitabiriye irushanwa rya Primus Guma Guma Superstar

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Umuhanzi w’umuraperi Jay Polly arifuza ko itsinda ryamaze gusubirana nyuma y’igihe kitari gito ryari rimaze ribaye amateka Tuff Gang ryazajya ryitabira ibitaramo bitandukanye ari kumwe naryo cyane cyane irushanwa risumba ayandi mu Rwanda PGGSS kuko we yamaze gukuramo ake karenge ubwo yaryegukanaga igihe abagize itsinda,buri wese yitabiraga amarushanwa ku giti cye batarebye ku by’itsinda.

Mu ntangiriro z’uyu mwaka wa 2018,itsinda Tuff Gung ryongeye kugaragariza abakunzi baryo ko ryiteguye kubagezaho ibikorwa by’akataraboneka ndetse banagaragaza ku mugaragaro ko bamaze kongera gusenyera umugozi umwe aho kugeza ubu iri tsinda rigizwe n’abasore bane,  Bull Dogg, Jay Polly, Fireman na Green P havuyemo P Fla ubu nawe ufite indi mishyingaye ku giti cye.

Jay Polly yatangaje ko bishimiye gutangira 2018 baririmba mu gitaramo gikomeye kandi bagasanga n’abafana babo babashyigikiye, uyu mwaka ngo waba ari uw’amahirwe kuri bo.

Jay Polly avuga ko kuba itsinda Tuff Gang ryarishatsemo igisubizo rikongera kwiyubaka,ari amahirwe akomeye kubarigize kuko bizabafasha kwitabira amarushanwa atandukanye ndetse no kwitabira ibitaramo ku buryo bworoshye kandi ngo akaba abona ko bitarambiranye rishobora kuzubaka amateka rikanegukana PGGSS.

Yagize Ati “Twashyize hamwe turi itsinda ubu. Tuff Gangs turashaka gukora amateka tukanegukana irushanwa rya Guma Guma natwe tukajya mu mateka y’abaritwaye ubu ni ugukorana imbaraga njye na bagenzi banjye tukabigeraho”.

Jay Polly avuga ko nubwo yegukanye PGGSS ngo bitamubuza kurisubiramo ari ku mazina ya Tuff Gangs kuko bazaba barabaye itsinda. Ngo kuba Tuff Gangs yarabaye itsinda ntibimuheza kuzabafasha muri iryo rushanwa mu gihe baba batorewe kurijyamo.

Jay Polly yagarutse ku musore  P Fla nawe ukomeje kugaragarizwa urukundo rudasanzwe n’abafana bakaba barigeze no kubana muri Tuff Gangs ko ubu atari muri Tuff Gangs ahubwo ko yafashe izindi nzira ze kandi ngo nabyo nibyiza.

Itsinda Tuff Gung ryongeye gusenyera umugozi umwe

Ati “icyo namubwira ahubwo ni ukuzagira amahirwe mu rugendo rwe rw’umuziki.

Umuhanzi Jay Polly yatangaje ubyuko Tuff Gang iramutse igize amahirwe yo kwitabira PGGSS ko yajyana nayo nk’umuririmbyi w’itsinda mu gihe we yamaze kwegukana ibihembo by’iri rushanwa ubwo yegukanaga PGGSS3 nyuma ya Tom Close wegukanye iyambere na King James wegukanye iya 2.

KWIZERA Juvenal-Ibyamamare.com

 

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.