Jay Polly,The Same mubazasusurutsa abazitabira BRM Tour Concert i Rubavu

Ikiyaga cya Kivu ni kimwe mu bikurura ba mukerarugendo mu karere ka Rubavu mu ntara y’Uburengerazuba kubera uburanga bwacyo ndetse n’ubwiza bw’umucanga wo ku nkengero zacyo tutibagiwe amashyuza agikikije aboneka hacye mu Rwanda n’ibikorwa by’imyidagaduro bibera ku nkengero z’iki kiyaga.

Mu rwego rwo kurushaho kumenya Urwanda no gusobanukirwa ubwiza bwarwo BRM yateguye igikorwa cyo gusura no gutembera mu kiyaga cya Kivu aho Abanyarwanda ndetse n’Abanyamahanga bashyizwe igorora bakazanasusurutswa n’abahanzi b’abahanga mu Rwanda barangajwe imbere na Kizigenza Jay Polly n’itsinda rya The Same rimaze kwigarurira imitima ya benshi mu ntara y’Uburengerazuba.

N’igikorwa kizaba kuwa 09 Ugushyingo 2019 aho  06:Am abazitabira iki gikorwa bazahaguruka mu mujyi wa Kigali bakigera i Gisenyi hazakurikiraho urugendo mu bwato rwo gusura umupaka w’Urwanda na RD Congo banyuze mu Kivu,Gaz Methane,gutembera ku  mashyuza ndetse no kuri Brasserie ku mafaranga ibihumbi mirongo ine(40.000Frw) ku munyarwanda ndetse n’amadorali ijana (100$) ku munyamahanga aho hazaba hakubiyemo Amafaranga y’Urugendo(Transport),Accomodation ndetse n’ifunguro rya ku manywa(Lunch).

Nyuma yo kuzenguruka mu Kiyaga cya Kivu,umunezero w’uru rugendo uzasorezwa muri Little Paris Beach i Gisenyi ku mazi aho abahanzi barimo Jay Polly,The Same,Back2World na Mizi Band bazasusurutsa abantu aho kwinjira bizaba ari ubuntu.

Twabibutsa ko usibye gutembera mu Kiyaga cya Kivu mu bwato aha ku mashyuza hamaze kwamamara hirya no hino kw’isi kubera Abanyarwanda ndetse n’abanyamahanga bahahurira baje kwivura amavunane bakoresheje aya mazi yaho y’imbonekahamwe.

Urupapuro rwamamaza uru rugendo rw’imbonekarimwe

 

Tanga Igitekerezo ukoresheje Facebook

SHARE