Jijeyo Amos umuhanzi Nyarwanda wihebeye injyana ya Rhumba

Bonane Amos uzwi ku izina rya “Jijeyo Amos” n’umuhanzi mushya watangiye muzika mur’uyu mwaka wa 2019 ahera ku ndirimbo yo Kwibuka yise “Urwanda nk’umubyeyi” akurikizaho iyo yise Jeniffer kur’ubu afite inshya yise “Zaninka” akorera Muzika mu Karere ka Musanze mu ntara y’Amajyaruguru.

Ku bijyanye naho akomora impano mu muzika nk’umwana wa Pasiteri Jijeyo Amosi avuga ko ibyo kuririmba yabitangiye cyera ubwo yaririmbaga muri korali akiri muto ayikuriramo aho ajyiriye mu mashuli makuru atangira gushaka uko yakabya inzozi ze aribyo byaje kubyara kujya muri Studio ya Jordan High Production urugendo rw’ubuhanzi rutangira ubwo.

Kur’ubu uyu musore amaze gushyira hanze indirimbo 3 harimo inshya yise “Zaninka” ikoze mu njyana ya Rhumba izwi cyane muri Congo,indirimbo Jijeyo avuga ko nyuma yo gukundwa i Musanze yahisemo kwiyegurira injyana ya Rhumba.

“Zaninka n’indirimbo yampaye icyerekezo n’umurongo w’injyana ngomba gukora,ikijya hanze abantu barayikunze banangira inama yo gukora Rhumba bihura n’uko ar’injyana nkunda cyane ubu ninjiye muri Rhumba ku buryo budasubirwaho” Jijeyo Amos 

Jijeyo Amos wafashe umwanzuro wo gukora injyana ya Rhumba ikomoka muri Congo

Muri muzika ye uyu musore ufatira icyitegererezo ku cyamamare Fally Ipupa ukomoka muri RD Congo avuga ko kuba yarahisemo injyana ya Rhumba ar’injyana nziza kandi ikunzwe n’ingeri zose haba Urubyiruko,abasaza ndetse n’abacyecuru ndetse ishyushya imbaga aho ariho hose.

Nk’umuhanzi ufite inzozi zo kuzashimishwa no kujya ku rubyiniro rumwe n’abahanzi Nyarwanda nka The Ben na Meddy aganira na Ibyamamare.com hari ibyo yasabye abakunzi ba Muzika Nyarwanda.

“Abakunzi ba Muzika Nyarwanda icyo nabasaba n’ukureba impano nshya,abashoboye bakabafasha bakagera ku rundi rwego kandi n’abahanzi bakuru bacu bajye bafata umwanya batange umusanzu mu gufasha Abahanzi bacyizamuka kugira ngo urukundo rukomeze gushinga imizi mu muziki Nyarwanda” Jejeyo Amos

Umva hano indirimbo Zaninka ya Jijeyo Amos

Tanga Igitekerezo ukoresheje Facebook

SHARE