Johnny Drille uzaririmba muri Kigali Jazz Junction ngo agiye gukora indirimbo ku Munyarwandakazi

TWOZA INTEBE, MATELA N'AMATAPI (Duhamagare cg Utwandikire kuri  0789348058 (Wats app) cg 0784343748 (Call) ============

Johnny Drille uri mu bahanzi bagezweho muri Nigeria no ku mugabane, yaraye ageze i Kigali aho aje gutaramira abakunzi be mu gitaramo ngaruka kwezi cya Kigali Jazz Junction. Akigera ku kibuga cy’indege yabwiye itangazamakuru ko azava i Kigali ahandikiye indirimbo ivuga ku mukobwa w’umunyarwandakazi.

Johnny Drille ubusanzwe witwa John Ighodaro ni umuririmbyi w’imyaka 29, yageze ku kibuga cy’indege i Kanombe ahagana saa tatu n’igice z’ijoro ryo kuri uyu wa Kabiri yakirwa n’itsinda ry’abanyamakuru ndetse na bamwe mu basanzwe bategura igitaramo cya Jazz Jaction.

Yamamaye cyane mu ndirimbo zitandukanye nka “Wait For Me” yatangiriyeho, “Romeo & Juliet” yamwubakiye izina ku ruhando mpuzamahanga, “Halleluya” yakoranye na Simi n’izindi nyinshi.

Mu kiganiro kigufi yagiranye n’itangazamakuru, yavuze ko yishimiye kubwirwa ko azaza gutaramira mu Rwanda, akaba yiteguye gushimisha abakunzi be.

Yongeyeho ko asanzwe akurikirana muzika Nyarwanda ndetse ngo ayifitemo n’inshuti. Mu mishinga azahakorera harimo n’indirimbo ivuga ku munyarwandakazi yise Iliza.

Ati “Muzika Nyarwanda ndayikurikira ndetse mfite inshuti yanjye hano yitwa Salvator icuranga gitari. Imwe mu ntego mfite hano ni ukuhandikira indirimbo ivuga ku mukobwa w’umunyarwandakazi Iliza”.

Igitaramo uyu muhanzi yatumiwemo kiraba kuri uyu wa Gatanu tariki ya 27 Nzeri 2019 mu mahema ya Camp Kigali.

Kwinjira ni 10,000 Frw mu myanya isanzwe (Ordinary), mu myanya y’icyubahiro (VIP) ni 20,000 Frw naho ku meza y’abantu umunani (VVIP Table of 8) ni 204,000 Frw.

Johnny Drille yasangiwe n’umukobwa wari wateguwe kumuha indabo.

 

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE