Search

Justin Timberlake agiye gushyira hanze Album ivuga ku kababaro yanyuzemo we n’umuryango we

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Justin Timberlake ,umuririmbyi akaba n’umwanditsi mwiza w’indirimbo, ukomoka muri Leta Zunze Ubumwe z’Amerika ,yatangaje ko agiye gusohora album izagaruka byimbitse ku byo yanyuzemo mu mibereho ye ndetse akanakomoza ku mwuka wo mu muryango we n’umugore we Jessica Biel.

Justin Randall Timberlake wamenyekanye mu ndirimbo nyinshi zirimo “Cry Me a River”, “Mirrors”, “SexyBack”, “Can’t Stop the Feeling”, “TKO” n’izindi, ibi yabitangaje tariki ya 2 Mutarama 2018. Yavuze ko mu cyiciro cy’indirimbo agiye gushyira ahagaragara muri uyu mwaka azibanda ku mibereho ye.

Yavuze ko album nshya yakoze yayise “Man of the Woods,” izasohoka ku itariki ya 2 Gashyantare 2018. Timberlake yari agiye kuzuza imyaka itanu adasohora album ye ku giti cye nyuma y’iyitwa “The 20/20 Experience” yasohoye mu 2013.

Justin Timberlake ari kumwe n’umugore we Jessica n’umwana wabo w’umuhungu bise Silas Randall Timberlake

Mu mashusho yashyize hanze, yagize ati “Iyi album ifite imvo ku muhungu wanjye, umugore wanjye, umuryango wanjye, ariko nanone, irenze indi album iyo ari yose naba naranditse, ku nkomoko yanjye.”

Album nshya ya Timberlake izasohoka mu minsi ibiri mbere y’uwo azaririmbamo mu birori bikomeye bya Super Bowl bisorezwamo urugendo rwa shampiyona y’umukino ufatwa nka ruhago muri Leta Zunze Ubumwe za Amerika bikaba ibyakurikiwe kurusha ibindi byose byerekanywe kuri televiziyo zo muri icyo gihugu.

Justin Timberlake n’umugore we Jessica

Timberlake wavuze ko agiye gukora album ivuga ku buzima bwe bwite, umwana we ndetse n’umugore we ukina filime Jessica Biel, bashyingiranwe ku itariki ya 19 Ukwakira 2012. Aba bombi bafitanye umwana umwe w’umuhungu witwa Silas Randall Timberlake bibarutse mu 2015.

 

Richard [email protected]

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.