Search

Kanye West na Kim Kardashian ntiborohewe kubera ibirori bateguye umwana wabo arembeye mu bitaro

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Umuryango wa Kanye West n’umukunzi we Kim Kardashian ntiworohewe n’abantu batandukanye ku mbugankoranyambaga kubera  ibirori bivugwa  baherutse gutegura bitangira umwaka wa 2018 mu gihe umwana wabo Saint yari arwariye cyane mu bitaro,bakaba bakomeje kunengwa kutita ku gaciro ku mwana wabo.

Kim Kardshian wabaye icyamamare cyane binyuze mu kiganiro”Keeping Up with the Kardashians” akaba ari n’umunyamideri ukomeye cyane muri Leta zunze ubumwe za Amerika n’umugabo we  w’umuraperi Kanye West babana nk’umugore n’umugabo bashyizwe mu majwi na benshi mu bakoresha imbuga nkoranyambaga muri Leta Zunze Ubumwe za Amerika, ko barangaranye umwana wabo waruri mu bitaro.

Kim Kardashian yahakanye ibi kuri Twitter, aho yagize ati “Ntabwo nigeze numva ibi ariko reka mbisubize nemye. Ntabwo nasize umuhungu wanjye mu bitaro n’umunota n’umwe. Twari hariya kuva mu ijoro ryo ku wa Gatatu kugeza ku wa Gatandatu. Ibirori bisoza umwaka byabaye mu ijoro ryo ku Cyumweru, abantu baje mu rugo umwana yamaze gusinzira, njye nita ku bana banjye.”

Ibi yabivuze asubiza umufana wari washyize kuri Twitter ubutumwa bugira buti “Kuki abantu benshi bakomeje gutekereza ko KimYe [akabyiniriro ke n’umugabo we] bari mu bitaramo mu ijoro ry’Ubunani batitaye ku mwana wabo Saint washyizwe mu bitaro?”

Kim Kardashian yatangaje amakuru y’uburwayi bw’umwana we na Kanye West ku wa Kabiri w’iki Cyumweru, avuga ko yari amaze iminsi arembye ndetse yanashyizwe mu bitaro gusa akaza gusezererwa yorohewe uburwayi bw’umusonga udasanzwe wari wamufashe.

Umuryango wa Kim Kardashian na Kanye West byaherukaga gutangazwa ko wimukiye mu nzu itarangwamo imirimbo n’indi mitako yose ihenze mu rwego rwo kwirinda ko hari icyahungabanya umutekano wabo ndetse n’uw’undi mwana bitegura muri uku kwezi uzabyarwa n’umuntu bishyuye ngo abatwitire.

Kanye West n’uyu mugore we basanzwe bafitanye abana babiri aribo North “Nori” West w’imyaka ine na Saint West ufite umwaka umwe. Imbyaro ya kabiri yasize Kim Kardashian agize ikibazo muri nyababyeyi abwirwa n’abaganga ko yongeye gutwita byamugiraho ingaruka zishobora no gutuma apfa cyangwa umwana abyaye akagira ikibazo.

KWIZERA Juvenal-Ibyamamare.com

Comments

comments




Leave a Reply

Your email address will not be published. Required fields are marked *