Kapiteni w’ikipe y’igihugu Amavubi Haruna Niyonzima yakoze ubukwe n’umugore wa kabiri muri Tanzania

Kapiteni w’ikipe y’igihugu y’u Rwanda, Amavubi, Haruna Niyonzima yakoze ubukwe n’umugore wa Kabiri basezeraniye muri Tanzania.

Haruna Niyonzima yakoze ubukwe n’umukobwa witwa Cassandra Rayan  bari bamaze igihe bakundana mu ibanga kuko Haruna yari asanzwe abana n’umugore we wa mbere uba mu Rwanda.

Ubukwe bwa Haruna na Cassandra Rayan bwabereye mugihugu cya Tanzania, aho uyu mukinnyi aherereye muri iyi minsi isi iri mubihe byo kwirinda icyorezo cya Coronavirus, ntabantu benshi babutashye.

Haruna Niyonzima yakoze ubukwe n’umukobwa witwa Cassandra Rayan  bari bamaze igihe bakundana mu ibanga

Haruna yavuye mu Rwanda, mu minsi ishize avuye mu ikipe ya AS Kigali, yerekeza mu ikipe ya Yanga Africans yo muri Tanzania, bivugwako yahise asiga umugore we babanaga mu nzu maze akajyana n’uyu mukobwa akaba ariwe bajya kubana muri Tanzania.

Ubwo shampiyona y’umupira w’amaguru muri Tanzania yahagaraga murwego rwo kwirinda ikwirakwira ry’icyorezo cya Coronavirus, Haruna ntabwo yigeze agaruka mu Rwanda nkuko abandi bakinyi babigenje we yagumye muri Tanzania aho yari ategereje gukora ubukwe n’uyu mukobwa.

Ubukwe bwa Haruna na Cassandra Rayan bwabereye mugihugu cya Tanzania

Haruna Niyonzima, Kapiteni w’ikipe y’igihugu y’umupira w’amaguru akaba anakinira ikipe ya Yanga yo muri Tanzania, tariki ya 15 Ukwakira 2015 ni bwo yari yasezeranye imbere y’amategeko n’umugore we  wambere Uwineza Consolée Nailah.

Uyu mugore bari bamaranye imyaka 17 bakaba bafitanye n’abana

Haruna Niyonzima ni umwe mu byamamare muri Tanzania, yakiniye amakipe atandukanye akomeye arimo ayo mu Rwanda nka Rayon Sports, APR FC, Etincelles na AS Kigali; ndetse na Young Africans na Simba SC zo muri Tanzania.

Haruna yamaze imyaka umunani muri Tanzania, itandatu muriyo akaba yarayimaze akinira Yanga Africans aho yagiriye ibihe byiza ndetse aba umwe mu bakinnyi bakunzwe cyane muri iki gihugu haba mu kibuga no hanze yacyo.

Mu mpera za 2017 nibwo yatangaje ko atazakomeza gukinira Yanga, ayivamo ajya muri Simba SC nayo yo muri Tanzania. Mu mwaka ushize yakiniye AS Kigali yo mu Rwanda mbere yo gusubira muri Yanga Africans arimo ubu.

Haruna Niyonzima yakoze ubukwe n’umukobwa witwa Cassandra Rayan  bari bamaze igihe bakundana mu ibanga
Uyu mukobwa yari asanzwe akundana na Haruna

Tanga Igitekerezo ukoresheje Facebook

SHARE