Search

KICUKIRO: Abasore babiri batangiriye umwaka wa 2018 muri gereza bazira kwiba Moto

IBM Radio Listen Live

KANDA HANO UREBE VIDEO

Ku itariki ya 31 Ukuboza ku munsi wanyuma w’umwaka wa 2017, Abaturage bo mu murenge wa Nduba akagari ka Gasanze,Akarere ka Kicukiro bakoze akazi gakomeye bafata abasore babiri Uwiringiyimana Vedaste w’imyaka 26 na Ntawivugabose Jean Pierre w’imyaka 37 bari bibye moto babashikiriza inzego za Police.

Umuvigizi wa Polisi mu mujyi wa Kigali Superintendent of Police (SP) Emmanuel Hitayezu asobanura uko byagenze  yavuze ko aba bombi bagiye mu gace k’ubucuruzi ka Gasanze bari kuri moto bagasanga aho indi yari iparitse bakayiba bakahasiga iyo bari bajeho.

Yagize ati:”Aba bombi baje kuri moto bageze Gasanze baraparika bafata indi yari iparitse aho barayitwara bajya kuyihisha baragaruka bashaka gutwara ya yindi bari bajeho mbere, nibwo abaturage babafashe babashyikiriza Polisi ya Nduba ari naho ubu bafungiye. “

SP Hitayezu yashimiye abo baturage bafashe aba bagizi ba nabi,  anasaba abaturage gucunga umutekano w’ibintu byabo . Yagize ati:” Mu Rwanda hari umutekano,  ariko abantu nabo bagomba gucunga umutekano w’ibintu byabo kuko ntihabura ababaca mu rihumye bakabatwara ibyabo. ” ndetse yanasabye abafite ibinyabiziga kujya babifunga neza kugirango hatagira ubibatwara

Mu gihe abandi baturarwanda bishimiye gusoza umwaka wa 2017 basangira n’inshuti n’abavandimwe ibyishyimo,aba basore babiri bo kubera ingeso yakaboko karekare,batangiriye 2018 inyuma y’igihome.

KWIZERA Juvenal-Ibyamamare.com

Comments

comments




Leave a Reply

Your email address will not be published. Required fields are marked *