Kigali Half Marathon yateguwe na Airtel yegukanywe na Nimubona Yves mu bagabo na Yankurije Maritha mu bagore (Amafoto)

TWOZA INTEBE, MATELA N'AMATAPI (Duhamagare cg Utwandikire kuri  0789348058 (Wats app) cg 0784343748 (Call) ============

Sosiyete y’itumanaho ya Airtel Rwanda ku bufatanye na Minisiteri y’ubuzima, Umujyi wa Kigali ndetse n’ishyirahamwe ry’imikino ngororamubiri (RAF), kuri iki cyumweru bakoze amarushanwa yo gusiganwa ku maguru azwi nka Kigali Half Marathon. Uwitwa Nimubona Yves niwe waje imbere mu bagabo naho Yankurije Maritha yanikira abigitsina gore.

Aya marushanwa yari yitabiriwe ku bwinshi n’abantu bingeri zitandukanye, yari yahujwe n’umunsi wa siporo rusange ku batuye umujyi wa Kigali (Car Free Day).

Abasiganwa birukankaga intera ya kilometero 21, bahagurukiye i Remera kuri stade Amahoro banyura Kimihurura berekeza  mu mujyi rwagati bazenguruka ronpoint barongera basubira i Remera bakatira ku gisimenti bajya gusoreza Kimihurura ku Kigo cy’Igihugu gishinzwe imisoro n’amahoro (Rwanda Revenue Authority).

Mu bagabo uwitwa Nimubona Yves ukinira ikipe ya APR yo gusiganwa ku maguru niwe waje ku mwanya wa mbere akoresheje isaha imwe, iminota itatu, amasegonda 28 n’ibice 56, akurikirwa na Mutabazi Emmanuel ukinira Police AC, wakoresheje isaha imwe, iminota itatu, amasegonda 58 n’ibice 54.

Mu bagore, Kigali Half Marathon yegukanywe na Yankurije Marthe na we ukinira APR AC, wakoresheje isaha imwe, iminota 12, amasegonda 34 n’ibice 72, akurikirwa na mugenzi we Musabyeyezu Adeline wakoresheje isaha imwe, iminota 16, amasegonda 46 n’ibice 46, uwa gatatu yabaye Niyirora Primitive wa NAS.

Mu bihembo bahawe uwa mbere muri buri cyiciro yahawe ibihumbi 250 Frw, uwa kabiri ibihumbi 200 Frw kugeza ku wa gatandatu wahawe ibihumbi 60 Frw, hakiyongeraho guhamagara no gukoresha interinet ya airtel ku buntu mu gihe cy’amaze atandatu.

Mu banyacyubahiro bitabiriye aya marushanwa ari nabo bashyikirije ibihembo ababitsindiye harimo Minisitiri w’Ubuzima Diane Gashumba, Umuyobozi w’Umujyi wa Kigali Rubingisa Purdence, Umuyobozi wa Aitel Rwanda n’abandi.

Yankurije Maritha niwe wasoje ari uwa mbere mubakobwa.

 

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE