Kigali :Intsinzi y’Amavubi yatumye abenshi bava muri Guma Murugo hari n’ababyutse basoka bambaye ubusa(Amafoto)

Nyuma y’intsinzi y’ikipe y’u Rwanda Amavubi mu ijoro ryacyeye, mu mujyi wa Kigali abantu benshi bagaragaye mu mihanda mu byishimo mu gihe uyu mujyi uri mu mategeko ya ‘guma mu rugo’.

Amavubi yageze mu mukino ya 1/4 cy’irushanwa CHAN atsinze Togo ibitego bitatu kuri bibiri, Amavubi yaherukaga kugera muri 1/4 cy’iri rushanwa mu 2016 ubwo iri rushanwa ryaberaga mu Rwanda.

Abantu biraye mu muhanda bishimira intsinzi y’amavubi harimo n’abasohotse batambaye

Ibi byabaye hashize umwanya muto minisiteri y’ubuzima itangaje ko habonetse abantu 574 bashya banduye Covid-19, umubare munini ubonetse w’abanduye ku munsi kuva iki cyorezo cyagera mu Rwanda mu kwa gatatu 2020.

Ibitego bya Olivier Niyonzima, Tuyisenge Jacques, by’agahebuzo icya Sugira Ernest wari ukimara gusimbura, nibyo byagejeje Amavubi ku ntsinzi maze abantu i Kigali bisuka mu mihanda mu byishimo.

Amashusho y’abantu amagana, batambaye udupfukamunwa kandi begeranye cyane, bari mu byishimo mu mihanda muri Kigali yakwiriye henshi ku mbuga nkoranyambaga.
Elie Karinganire utuye i Nyamirambo mu murenge wa Rwezamenyo.

Ikipe y’igihugu Amavubi kuri Twitter yatanze ubutumwa buvuga ko nubwo abantu bishimye bakwiye “Kuguma mu rugo”.

Umwe kuri Twitter yanditse ati: “Sugira Ernest umunyarwanda wambere ukuye abanyarwanda muri guma mu rugo inama y abaminisitiri idateranye.”

Abantu bari benshi mu mihanda ya Kigali ahagana Saa Sita z’ijoro

Ku bantu batuye mu mujyi wa Kigali, ubwo umupira w’amavubi warangiraga humvikanye urusaku rw’abantu bavuza amafirimbi, ibijerekani bamwe bari mu mihanda bishimira intsinzi y’amavubi.

Ku cyumweru, Amavubi muri 1/4 azakina n’ikipe n’ikipe ya mbere mu itsinda D iza kumenyakana mu mukino iba uyu munsi, iri tsinda ubu riyobowe na Guinea na Zambia.

Tanga Igitekerezo ukoresheje Facebook

SHARE