KIGALI : Polisi yu Rwanda yafashe abantu 129 barenze ku mabwiriza yo kwirinda icyorezo cya COVID-19 harimo n’abambaye ubusa barigukorerwa masaje

Kuri uyu wa Gatanadatu tariki 13 Gashyantare, Polisi yu Rwanda ikorera mu Mujyi wa Kigali yafashe abantu 129 barenze ku mabwiriza yo kwirinda icyorezo cya COVID-19 biganjemo abafatiwe mu tubari, hakabamo n’abafatiwe muri sauna zitemerewe gukora muri ibi bihe.

Abafatiwe muri sauna ni abantu 16 bafatiwe mu nzu itanga iyi serivisi y’I Kanombe mu Karere ka Kicukiro.

Abafatiwe muri sauna ni abantu 16 bafatiwe mu nzu itanga iyi serivisi y’I Kanombe mu Karere ka Kicukiro.

Harimo kandi abantu 56 bafashwe banywera inzoga mu tubari dutatu dutandukanye two mu Gatsata mu Karere ka Gasabo hakaba n’abandi 47 bafatiwe mu Kabari gaherereye Nyabugogo.

Hari kandi abantu 10 bafatiwe mu birori byo kwifuriza umubyeyi kuzibaruka neza bizwi nka Baby Shower. Aba bafatiwe mu nzu icumbikira abagenzi bw’igihe gito (maison de passage) iherereye i Kagugu.

Aba bose uko ari 129 bajyanywe ahantu habugenewe babanza kwibutswa ko kubahiriza amabwiriza yo kwirinda icyorezo cya COVID-19 bireba buri wese ubundi abagomba gucibwa amande barayacibwa.

Umuvugizi wa Polisi y’u Rwanda, CP John Bosco Kabera avuga ko bitumvikana kuba hashize amezi 11 abantu bakangurirwa kubahiriza aya mabwiriza ariko hakaba hakiri abayarengaho.


Yavuze ko kubahiriza aya mabwiriza bitagomba kubamo igice ahubwo ko bagomba kuyubahiriza uko yakabaye 100%.

Serivisi zafatiwemo aba bantu nyinshi ntizemerewe gukora muri ibi bihe yaba utubari cyangwa sauna ku buryo ba nyirazo na bo bashobora kubiryozwa.

Photos : Kigali Today

Tanga Igitekerezo ukoresheje Facebook

SHARE