Kiliziya gatolika yakoze ishapure, umuntu azajya akanda muri telefone ikamufasha gusenga

Iyi shapule y’Ikoranabuhanga umuntu ashobora kuyambara nk’umurimbo wo ku kaboko, itangira gukora iyo ukoze ikimenyetso cy’umusaraba. Iyi shapule bambara ku kaboko igura 109 USD [agera mu bihumbi 100 Frw].

Iyi shapure yahujwe na Application yo muri Telephone umuntu akandaho atangiye gusenga na yo ikamufasha gukurikiranya amasengesho agize ishapule.

Iyi ‘app’ ikwereka uko uhagaze mu kuvuga ishapure, kandi ifite amashusho n’amajwi bisobanura ishapure.

Iyi shapure ihujwe na ‘application’ yitwa “Click to Pray eRosary”

Ishapure isanzwe ifasha mu gusenga no kwegera Imana mu bitekerezo. Amapfundo yayo yifashishwa mu gusubiramo amasengesho amwe ya kiriziya.

Abakoze iyi shapure nshya y’ikoranabuhanga, bavuga ko ije guhuza uburyo busanzwe bwo gusenga n’ikoranabuhanga rigezweho ku isi.

Agakoresho k’iyi shapure kakozwe na kompanyi y’ikoranabuhanga yo muri Taiwan yitwa GadgTek Inc.

Aka gakoresho (ishapure y’ikoranabuhanga) ntacyo kaba n’iyo kari mu mazi, gakorana kandi na telephone zigezweho zikorsha Android na iOS.

Ntabwo ari ubwa mbere kiliziya gatulika igerageje kwiyegereza urubyiruko rugendana cyane n’ikoranabuhanga muri iki gihe.

Mu 2018, umuryango gatolika w’ivugabutumwa watangije “Follow JC Go!”.

Iyi ni ‘app’ y’imikino ikoze nk’umukino wa Pokemon Go. Abawukina bagenda ‘bafata’ abatagatifu aho gufata ibisimba nko muri Pokemon.

Tanga Igitekerezo ukoresheje Facebook

SHARE