King Salomon yasabye abanya Rutsiro kumushyigikira muri KIVU AWARDS 2019

King Salomon umuhanzi umwe rukumbi uhagarariye Akarere ka Rutsiro mw’irushanwa rya KIVU AWARDS 2019 yasabye ashimitse abanya Rutsiro kumushyigikira muri iri rushanwa riri kubera mu ntara y’Uburengerazuba.

Uyu King Salomon n’umuhanzi umaze kugaragaza ko hirya y’umujyi naho haba Abanyamuziki baramutse bashyigikiwe bagera kure,aserukiye akarere ka Rutsiro mw’irushanwa rya Kivu Awards 2019,irushanwa ryateguwe na KDKZ Music ifatanyije na Kivu Entertainment aho ari no mu bahanzi bari gutorwa cyane ku murongo wa Interineti mu cyiciro cy’Umuhanzi witwaye neza(Best Artist of the Year).

King Salomon azwi mu ndirimbo nka Imitima,Nyemerera na Tujyane aheruka gushyira hanze yafatanyije n’uwitwa El Kennedy,indirimbo nziza yatunganyijwe na Producer Captain P iri muzikunzwe mu karere ka Rubavu na Rutsiro aho akomoka,indirimbo yuje imitoma.

King Salomon umuhanzi umwe rukumbi uhagarariye akarere ka Rutsiro muri Kivu Awards

Aganira na IBYAMAMARE.COM uyu muhanzi yavuze ko yizeye imbaraga ndetse n’ubufasha bw’abanya Rutsiro kugira ngo yegukane iri rushanwa

“Abanya Rutsiro nibamfashe duharanire ishema ry’akarere ka Rutsiro,iki n’igihembo cyabanya Rutsiro si cyanjye gusa,abantu nibantore nitwegukana igihembo cy’umuhanzi mwiza nta kabuza tuzazenguruka Akarere kose twishimira iki gihembo” King Salomon

Uyu muhanzi ntatinya kuvuga ko ariwe muhanzi ukora muri kano karere ka Rutsiro,akarere kakiri hasi mu myidagaduro aho asaba n’abandi banyempano kwitinyuka

“Urabona ndasa nuri mu kibuga njyenyine muri Rutsiro,abanyempano bagenzi banjye bitinyuke baze dususurutse akarere kacu kandi tuzabigeraho” 

King Salomon arasaba kandi abanya Rutsiro n’abakunzi ba Muzika Nyarwanda muri rusange kumushyigikira mu bikorwa bya Muzika.

Tujyane by King Salomon ft El Kennedy

 

Tanga Igitekerezo ukoresheje Facebook

SHARE