Search

Koffi Olomide yakumiriwe kuzataramira muri Kenya igihe atarasaba imbabazi zibyo yahakoreye

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Umuhanzi ukomeye cyane mu gihugu cya DRC uzwi ku izina rya Koffi Olomide yangiwe n’ubuyobozi bwa Kenya kuzitabira igitaramo ashaka kuzakorera muri iki gihugu mu gihe atarandika ibaruwa isaba imbabazi ku bw’ibyaha yahakoreye ubwo ahaherutse.

Umuyobozi mukuru muri Kenya Mwenda Njoka-Interior Ministry, yatangaje ko Koffi Olomide ushaka kugaruka muri Kenya adashobora guhabwa uburenganzira bwo kwinjira mu gihugu ngo ahakorere igitaramo mu gihe atarafata umwanya ngo yigaye kubw’ibyaha yahakoreye ndetse ngo anasabe imbabazi ubuyobozi bw’igihugu yabikoreyemo.

Mwenda Njoka ( Interior Ministry ) kuri uyu wa Gatandatu taliki ya 14 Mata 2018,yatangaje ko abateguye igitaramo cya Koffi Olomide bahura n’igihombo mu gihe umuhanzi batumiye atarandika ibaruwa isaba imbabazi kandi bagategereza ko babanza kumuha imbabazi kubera ibyaha aregwa birimo guhohotera ikiremwa muntu.

Ibyaha Koffi Olomide akomeje gushinjwa n’ubuyobozi bwa Kenya ndetse bikaba binakomeje ku uteraingaruka zo gukumirwa kwinjira muri iki gihugu, byabaye ubwo umwaka ushize yari muri Kenya agihe agiye gufata indege ngo asubire iwabo, afatwa na Camera arigukubita umugeri umukobwa wamubyiniraga.

Abyinyujije kuri Twitter Koffi Olomide yanditse ubutumwa ashishikariza abakunzi b’umuziki we ko batagomba kubura mu gitaramo azakora taliki ya 24 Mata 2018 kuri stade ya Bukhungu mu gihugu cya Kenya .

Yagize ati Bashiki banjye namwe barumuna banjye ,ndabatumiye taliki ya 24 kuri stade ya Bykhungu “

Ubu butumwa bukimara gusakara muri Kenya ko Koffi Olomide agiye kuza kubataramira, yahise ahabwa akato ndetse anakumirwa ko atazigera arenga imbibe z’Umujyi wa Nairobi ngo akore igitaramo bitewe n’uburyo yahitwaye mu gihe cyashize.

Mwenda Njoka aganira na Capital Fm ku murongo wa telephone yamaganye uyu muhanzi avugako adakenewe mu gihugu cya Kenya igihe atarandika ibaruwa isaba imbabazi abaturage ba Kenya ku byaha aregwa ,akaba yavuze ko indege yose izamuzana izahita imusubizayo bwangu.

Koffi Olomide yangiwe kuzataramira muri Kenya

Koffi Olomide wanditse izina rikomeye mu muziki ku rwego mpuzamahanga, kugeza ubu abakunzi b’umuziki we n’abaribiteguye kwitabira igitaramo cye, bategereje umwanzuro agomba gufata niba arasaba imbabazi cyangwa ari hagararaho akagisubika.

KWIZERA Juvenal-Ibyamamare.com

Comments

comments




Leave a Reply

Your email address will not be published. Required fields are marked *