Search

Ku nshuro ya gatatu hateguwe amarushanwa ya Bonjour Vacances ahuza urubyiruko rugahatana mu mpano zitandukanye

IBM Radio Listen Live

KANDA HANO UREBE VIDEO

Musengimana Eugene,Umunyamakuru uzwi nka Professor Mbata kubera ibiganiro by’urwenya akora abicishije muri Kompanyi ye yise Mbatadology, afatanyije n’umujyi wa Kigali bateguriye urubyiruko amarushanwa ngaruka mwaka ya Bonjour Vacance agiye kuba ku nshuro ya gatatu.

Urupapuro ruranga aya marushanwa ya Bonjour Vacances.

Bonjour Vacances n’amarushanwa agamije guhuza urubyiruko mu gihe cy’ibiruhuko bakaganira ku nsanganyamatsiko iba yateguwe ndetse bakanarushanwa mu mpano zitandukanye harimo kubyina, kwerekana imideli, amakinamico n’ibindi, abatsinze bakegukana ibihembo.

Insanganyamatsiko ya Bonjour Vacances y’uyu mwaka iragira iti “Rubyiruko isuku hose, ejo heza”. Kwiyandikisha ku rubyiruko rwifuza kuzitabira aya marushanwa byaratangiye kandi n’ubuntu, bikaba birikubera ku kigo cy’urubyiruko cya Kimisagara (Maison des Jeunes). Ari naho aya marushanwa azatangira kuri uyu wa Kane tariki ya 7 Ukuboza 2017.

Ubwo twaganiraga na Professor Mbata yahamije ko uyu ari umwanya mwiza wo kugirango urubyiruko ruri mu biruhuko rugaragaze impano yarwo ndetse banarushaho kubakangurira kutishora mu ngeso mbi harimo no kujya mu biyobyabwenge yagize ati“Urabona urubyiruko akenshi iyo bari mu biruhuko hari igihe babura ikintu bahugiraho ari nayo mpamvu ishobora kuba intandaro yo kuba bakwijandika mu ngeso mbi, aya marushanwa twabateguriye ni ukugira ngo babe babona icyo bahugiraho muri ibi biruhuko, aho abafite impano bahabwa n’umwanya mwiza wo kwigaragaza”

Musengimana Eugene uzwi nka  Professor Mbata wateguye bonjour vacance ageza impanuro kurubyiruko rwari rutereniye muri Maison de Jeunes Kimisagara

Iyi Bonjour Vacances kimwe n’izayibanjirije, izazenguruka mu turere twose tugize umujyi wa Kigali. Mu karere ka Nyarugenge bizabera kuri Maison des jeunes Kimisagara ndetse no kuri club Rafiki i Nyamirambo, mu karere ka Gasabo bizabera kuri Gikomero Youth Center ndetse no kuri Maison des jeunes Kabuga naho mu karere ka Kicukiro bikazabera kuri AGR Gikondo ku Bagide.

Urubyiruko ruba rwitabiye ibi birori haba hari n’ababyinnyi bo kubasusurutsa

 

Ivan Heritier

Comments

comments




Leave a Reply

Your email address will not be published. Required fields are marked *