Kubera gukunda indege cyane, Umusore n’umukobwa bafashe urugendo bageze mu kirere bakora ubukwe(Amafoto)

David Valliant  na Cathy Valliant barasa n’abakabije inzozi zabo kubera urukundo bakunda indege, byabatwaye igihe kinini ariko bashyizwe babigezeho, kubera ukuntu bakunda indege, aba bombi bagitangira gukundana, bihaye intego ko ubukwe bwabo bugomba kubera mu kirere bari mu ndege.

Bombi bahuye bwa mbere mu 2011 ubwo bakinaga umukino wo kuri mudasobwa ukinirwa kuri internet.

Abageni bakoreye ubukwe mu ndege

Baje guhura bwa mbere amaso ku yandi nyuma y’imyaka ibiri, aho bombi bashimangira ko urukundo bakunda ibijyanye n’indege arirwo rwabahuje.

Mbere y’uko bombi binjira mu ndege, babanje gusezerana imbere y’amategeko ku kibuga cy’indege cya Sydney ariko ibirori byo mu kirere nibyo byatangaje abantu.

David Valliant  na Cathy Valliant bari mu ndege ya Sosiyete Jetstar yavafa i Sydney yerekeje mu Mujyi wa Auckland.

Ubwo indege yari igeze mu kirere hagati y’igihugu cya Nouvel Zeland na Australia, aba bombi bahamije urukundo bakundana ubwo bahagararaga imbere y’abagenzi bose bakambikana impeta.

Umukozi w’indege niwe wafashe inshingano zo kubasezeranya mu gihe abandi bagenzi  bari bari  mu ndege bakurikiye uwo muhango.

   

Tanga Igitekerezo ukoresheje Facebook

SHARE