Search

Kumunota wanyuma Nzamwita de Gaulle birangiye yikuye mu matora yo kuyobora Ferwafa

IBM Radio Listen Live

KANDA HANO UREBE VIDEO

Nzamwita Vencent de Gaulle mu gihe habura amasaha abarirwa ku ntoki kugira ngo amatora y’umunyamabanga w’ishyirahamwe ry’umupira w’amaguru mu Rwanda, FERWAFA abe ku mugaragaro,amaze gukuramo ibaruwa ye (candidature) umwanya usigaraho Rwemalika Felicite baribahanganye.

Nk’uko bigaragara kuri Twitter ya FERWAFA.Nzamwita amaze imyaka 4 ayobora, avanyemo kandidatire ye kubera impamvu ze bwite ndetse n’impamvu z’umuryango we.

Bagize bati:” Kubera impamvu ze bwite n’impamvu z’umuryango we, Nzamwita avanyemo kandidatire ye, Yashimiye buri wese babanye mu gihe cy’imyaka 4 amaze  muri FERWAFA kandi aniyemeza ko azakomeza gufasha  umuyobozi mushya uratorwa guteza umupira w’amaguru mu Rwanda.”

Uyu munsi kuwa 30 Ukuboza 2017 nibwo hateganyijwe amatora y’ugomba kuyobora FERWAFA muri manda y’imyaka 4 iri imbere . Ni amatora ateganyijwe kubera kuri Hoteri Lemigo mu mujyi wa Kigali.

Aya matora ya  FERWAFA araba arimo indorerezi zaturutse muri  FIFA  ndetse na Visi Perezida wa CAF abaratora ni abanyamuryango ba FERWAFA 52 bagizwe abahagarariye amakipe 16 yo mu cyiciro cya mbere , 24 b’amakipe yo mu cyiciro cya kabiri n’abandi 9 baturuka mu makipe y’abagore.

Umudamu RWEMALIKA Felecite wari uhanganye na NZAMWITA de Gaulle aramutse atsindiye kuyobora umwanya yaba abaye umugore wambere uyoboye Ferwafa mu mateka.

KWIZERA Juvenal-Ibyamamare.com

 

Comments

comments




Leave a Reply

Your email address will not be published. Required fields are marked *