Kuri Groupe Scolaire ya Ruragwe abakobwa batanu bari hagati y’imyaka 18 na 20 ntabwo batahanye ubumenyi n’amanota gusa ahubwo banatashye bitegura kubyara

IBM Radio Listen Live

KANDA HANO UREBE VIDEO

Karongi – Igihembwe cya kabiri cy’amashuri kirarangiye abana bari kujya mu biruhuko, kuri Groupe Scolaire ya Ruragwe mu murenge wa Rubengera abakobwa batanu bari hagati y’imyaka 18 na 20 ntabwo batahanye ubumenyi gusa ahubwo banatashye bitegura kubyara. Ubuyobozi bw’ishuri bwo buvuga ko umwe ngo asanzwe ari umugore abandi nabo ngo bafite aba fiancés. Amakuru ariko batabasha kwemeza neza.

IMG_20150226_092006

Umwe mu bana b’abakobwa bigira kuri iri shuri avuga ko koko hari bagenzi be batanu batwite kandi ababateye inda bakeka ko harimo abashinwa n’abakozi babo bari kubaka umuhanda wa Kivu-Blet aha i Karongi.

Uyu mukobwa utifuje gutangazwa amazina ati “Usanga hari abavuga ngo babashukishije ibintu ariko sibyo usanga ari uburara umuntu aba yisanganiwe akabivanamo inda gutyo.”

Speciose Nyiramariza umubyeyi urerera kuri iri shuli yabwiye Ikinyamakuru Umuseke ko ari agahinda gusa  kubona bohereza umwana kuzana amanota agatahana amanota mabi anatwite.

Nyiramariza ati “Mu gihe gishize uwanjye yavuye ku ishuri araza ageze mu rugo akarya atoranya, nkamureeeeba nkagira amakenga, bukeye njya kumupimisha nsanga afite inda y’amezi atatu, akenshi usanga bazitwita bakazihisha bashaka no kuzikuramo. Ubu naje kumva amanota ya barumuna be ariko nabo ni ugufata iry’iburyo.”

Elias Mukurarinda uyobora Group Scolaire Ruragwe yabwiye Umuseke ko mbere havugwaga abana icyenda(9) batwite.

Ati “Twahamagaye ababyeyi babo maze bamwe babyemera batiriwe bajya gupimwa, ariko bose ni abagore(bafite abagabo).”

Umunyamakuru amuhaye ingero z’abatwite ari abangavu badafite abagabo yasubije ati “ngirango nabitanzemo raporo kandi si wowe nyiha hari uwatewe inda n’umukozi wo kuri Capital, bombi barabyemera kandi ngo bagiye kubana, yigaga (umukobwa) mu wa gatandatu.     Nahamagaye inzego z’umutekano ngo zibigishe Police yaraje mubukangurambaga gusa abatwite bafite aba fiancés.”

Drocella Mukashema  Umuyobozi w’akarere ka Karongi wungirije ushinzwe imibereho myiza we yanenze ibyo kuvuga ngo aba bakobwa batwite bafite aba fiancés, ko nta munyeshuri w’iki kigero ukwiye kugira fiancés mu gihe ataranarangiza ishuri.

Mukashema avuga ko raporo y’iki kibazo yamugezeho muri iki gitondo cyo kuwa gatanu ko hatwite abana batanu  harimo umwe ufite umugabo.

Uyu muyobozi avuga ko umwana w’umukobwa utewe inda bituma akenshi atiga neza, hari ibyago byo kwandura SIDA, bikaba byamuviramo gucikiriza amashuri igihugu kikaba kirahombye.

Kuri iri shuri rya Groupe Scolaire Ruragwe umwaka ushize abanyeshuri 39 bari bakoze ikizamini cya Leta gisoza amashuri y’uburezi bw’ibanze bw’imyaka 12 bose bari batsinze, kubera kwiga neza banafite ibikoresho bihagije. Ubu ariko nicyo kigo kigaragayeho abanyeshuri benshi batwite mu gihembwe kimwe.

 

3,376 total views, 1 views today

Comments

comments




Leave a Reply

Your email address will not be published. Required fields are marked *