Search

Kutumvikana n’ubuyobozi byatumye umunyamakuru Oswakim ahagarika akazi kuri City Radio

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Umunyamakuru Mutuyeyezu Oswald umaze igihe atumvikana kuri radiyo yari asanzwe akoraho yatangaje ko ubwumvikane buke n’ubuyoboz ibwa City radio aribwo bwamuteye kuba ahagaritse akazi ariko ko bishobora no kurangira asezeye kuri iyi radiyo burundu mu gihe ibyifuzo bye bitahabwa agaciro.

Ikiganiro umunsi ucyeye ni kimwe mu biganiro bikurikirwa n’Abanyarwanda benshi mu gitondo doreko haba havugirwamo amakuru yaraye n’ayazindutse, ahanini umuntu akaba yanakuramo na gahunda y’ibikorwa bikomeye by’umunsi, ariko iki kiganiro kikaba cyari gifite umwihariko w’uburyo gikorwamo bufasha abantu kwidagadura bitewe n’abagikora ku buryo bari barigaruriye imitima ya benshi mu gitondo.

Umunyamakuru Mutuyeyezu Oswald umaze igihe atumvikana kuri City Radio

Mu butumwa uyu munyamakuru yacishije ku rukuta rwe rwa Facebook yasobanuriye benshi bamubazaga bakoresheje inzira zitandukanye impamvu atacyumvikana kuri Radiyo ariko avuga ko atarasezera burundu  gusa ukurikije uko abivuga bigaragara ko atumvikana n’umuyobozi wa radiyo ku miyoborere y’ikiganiro yakoragamo bityo ko we atiteguye “kwambarira ubucocero aho yambariye inkindi”

Kuki Oswakim atarimo kumvikana kuri City Radio muri iyi minsi?

Inbox sinasubiza buri umwe ngo mbone umwanya uhagije wo kubisobanura neza, reka mbyandike hano?

Ikiganiro Umunsi Ucyeye njye n’uwo mwita #impanga yanjye twubatse mu gihe cy’imyaka irindwi, haje uwatubwiye ko ari ‘umushoramari’ ahindura uburyo twagikoraga, wa mwanya twavugagamo amakuru n’amatangazo turirimba/dusetsa arawugabanya cyane, ikiganiro cyuzuzwa indirimbo ziri automated. Nk’umunyamakuru wari ukuriye abandi, chief editor, namaze hafi ukwezi kose mwereka ko ubwo buryo bushya buzatuma ikiganiro gitakaza abakunzi batari bake, nkamwereka ibivugirwa ku magroups y’abakunzi ba radio babaga banenga uburyo tutakibaha amakuru…. yanga kunyumva. Bagenzi banjye bashyizeho akabo, aratsimbarara. Mu nama yabaye tariki 30 Nyakanga ni bwo namubwiye ko uburyo bushya mbona butuma ibintu byiza twajyaga dutegurira abatwumva tutabona umwanya wo kubibaha bakagera n’aho badutuka on air, nti ‘none rero nimukomeza kumfusha ubusa ndasezera.’

Sindasezera officially ariko na none sindimo no gukora muri iyi minsi. Hari impaka zikigibwa zirimo n’izirebana n’amasezerano y’akazi, ariko icyo intore itemera ni ‘ukwambarira ubucocero aho yambariye inkindi.’

Byari ibyo, mugire umunsi mwiza!”

Ubu nibwo butumwa bwose bwa Mutuyeyezu Oswald uzwi  cyane nka Oswakim

Mu minsi ishize  nibwo mu buyobozi bwa City Radio habaye impinduka ihabwa umuyobozi mushya  witwa Katuramo Kevin ushoora kuba ariwe wazanye izi mpinduka.

Usibye kuba Oswald yakoraga iki kiganiro ari nacyo yumvikanagamo cyane yanakoraga mu ishami ry’amakuru ndetse akaba ari nawe wari urikuriye akanongera kumvikana mu kiganiro cy’ubusesenguzi cya Sesengura kiba buri cyumweru mu gitondo kuri iyi Radiyo n’ikiganiro ijambo.

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.