Search

Kuva tariki ya 19 kugera ku ya 21 Ukwakira 2015 mu Rwanda hazateranira inama ya kabiri ya “Transform Africa”.

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Kuva tariki ya 19 kugera ku ya 21 Ukwakira uyu mwaka wa 2015 mu Rwanda hazateranira inama ya kabiri ya “Transform Africa”.

Iyo nama izaganirirwamo  ingingo zigeze kuri eshanu, harimo ko u Rwanda ruzasangiza amahanga uburyo ikoranabuhanga ryahinduye ubuzima bw’Abanyarwanda.

transf

Muri iyi nama iganirwamo ikoranabuhanga n’akamaro karyo mu iterambere, uko ryateza imbere Afurika, hazaganirwa ku bufatanye hagati ya za Guverinoma n’Urwego rw’Abikorera ku ikoranabuhanga nk’igisubizo ku iterambere ry’Afurika.

Icya kabiri kizagaragara muri iyi nama, ni umwanya uzahabwa abanyadushya b’urubyiruko bazerekana ubuhanga bwabo mu dushya mu ikoranabuhanga. Icya gatatu ni uko ibihugu binyuranye bizagaragaza ibyo byagezeho mu dushya mu ikoranabuhanga nyuma ya “Transform Afurica Summit” ya 2013.

Icya kane, ni uko u Rwanda ruzakira iyi nama ruzasagiza ibindi bihugu uko ikoranabuhanga ryagize uruhare mu guhindura ubuzima bw’Abanyarwanda. Hakazakurikiraho kurebera hamwe udushya tw’intangarugero twerekana ko binyuze mu ikoranabuhanga byahindura imibereho n’ubukungu bw’Abanyafurika.

Muri 2013, ubwo iyi nama “Transform Africa” yabaga bwa mbere mu Rwanda, yitabiriwe n’abayobozi banyuranye b’ibihugu. Uretse Perezida Paul Kagame, harimo ba Perezida b’ibihugu bya Uganda, Burkina Faso, Gabon, Sudan y’Amajyepfo, Kenya na Mali. Bakaba baraganiriye uko ikoranabuhanga ryageza ku iterambere muri Afurika.

Muri iriya nama y’ubushize, Perezida Paul Kagame yamenyesheje abayitabiriye n’abayikurikiranye hirya no hino ku isi binyuze mu ikoranabuhanga, ko ikoranabuhanga mu Rwanda ryinjiye mu buzima bw’ibanze bw’Abanyarwanda nk’amazi n’amashanyarazi, ko kurishoramo imari bigira ingaruka nziza ku nzego zose z’ubuzima bw’igihugu.

“Transform Africa” izahuza abantu barenga 2,500 bavuye hirya no hino mu bihugu by’Afurika no ku yindi migabane, hakazaba kandi harimo abakuru b’ibihugu bagera ku icumi bazava mu bihugu by’Afurika.

Kanda Hano ukomeze udukurikire kuri facebook kanda hano, kuri twitter kanda hano, kuri youtube kanda hano, bizajya bikorohera guhita ubona amakuru yacu muburyo bwihuse.

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.