Leta yasenye Hotel ebyiri zarenze kumabwiriza yo kwirinda no gukumira icyorezo cya Coronavirus

Leta ya Nigeria yasenye hoteli ebyiri zo mu majyepfo ya Rivers kubera kutubahiriza amabwiriza y’ubwirinzi mu gihe cyo guhangana n’icyorezo cya COVID-19.

Guverineri, Nyesom Wike yatangaje ko Prodest Home na Etemeteh zasenywe ku munsi w’ejo ku cyumweru bifite aho bihuriye no kutubahiriza amabwiriza ya #GumaMuRugo muri iki gihugu.

Leta ya Nigeria yasenye hoteli ebyiri zo mu majyepfo ya Rivers

Abayobozi b’izi hoteli bose bahise batabwa muri yombi, gusa uwavuganye na bbc yatangaje ko nta mabwiriza ya leta bigeze bica.

Abakoresha imbuga nkoranyambaga bikomye cyane Guverineri bamushinja gufata ibyemezo biremereye, mu gihe we avuga ko ibyo yakoze byari bikwiye kuko hari abarwayi bandurira muri hoteli.

Gusa ntiyigeze asobanura niba hari uwaba yaranduye COVID-19 aturutse muri imwe muri izi hoteli.

Agace ka River ubwako kamaze kugaragaramo abantu 21 banduye icyorezo cya COVID-19, muri bo babiri barapfuye.

Abayobozi b’izi hoteli bose bahise batabwa muri yombi

Guverineri w’umujyi wa Lagos, Babajide Sanwo-Olu yavuze ko niba amabwiriza atarumvikanye neza bafata undi mwanya wo kuyigisha abaturage bakayumva hatabayemo guhangana.

Nigeria ifite abantu 4,399 banduye icyorezo cya COVID-19, abagera ku 143 barapfuye mu gihe 778 bavuwe bagakira.

Tanga Igitekerezo ukoresheje Facebook

SHARE