Lilzzo Rostman yashyize hanze indirimbo yise “umufana”. Yirebe

Ndacyayisenga Jean claude ukoresha mu buhanzi izina rya LilZzo n’umuraperi mushya ukorera muzika mu karere ka Rubavu, yashyize hanze amashusho y’indirimbo nshya ‘Umufana’ ikubiyemo ubutumwa bwo gusaba abamukunda kumutera ingabo mu bitugu mu muziki. 

Umuraperi Lilzzo muri iyi ndirimbo nshya yashyize hanze yumvikanamo ubuhanga mu myandikire ivanzemo no kurekura imirongo neza(Flow) aho yibanda kwiyinjira rye mu muziki, uko yakiriwe naho yifuza kugera, ntatinya kwerura ko ari mubahanzi beza bakizamuka. Asaba ubufasha abakunzi ba muzika Nyarwanda gushyigikira impano nshya.

Amashusho y’indirimbo ‘Umufana’ yatunganyijwe na Sunset aba bazwiho ubuhanga mu gutunganya amashusho barimo uwitwa Shaffy Ace na Khass Face. Yafatiwe ku mucanga wo ku Kivu muri El Classico Beach hamaze kuba ubukombe mu Gihugu cy’Urwanda.

Uyu musore umaze gukora indirimbo 5 ubifatanya n’amasomo ya Kaminuza muri IPRC Karongi avuga ko uyu mwaka wa 2020 afite intego zo gukora indirimbo nziza by’umwihariko zikazajya zisohokana n’amashusho.

“Uyu mwaka wa 2020 mfite gahunda ihamye mu muziki, nzakora indirimbo nziza by’umwihariko buri ndirimbo izajya isohokana n’amashusho nk’uko nabitangiye”

Lilzo avuga kandi ko igihe kigeze ngo abahanzi bo mu karere ka Rubavu ngo bagere mu gihugu hose.

“Icyo nemera cyo i Rubavu dufite abahanzi beza kandi bashoboye, ubu icyo mbona n’uko tugomba gukora tukagera mu Gihugu hose kandi uyu mwaka ni uwacu kuko dufite ibikorwa byiza”

Uyu muhanzi kandi asaba Itangazamakuru ryo mu Rwanda muri rusange guha umwanya abahanzi bashya bakerekana ibyo bashoboye akanacyebura abakunzi ba muzika gusubiza amaso inyuma bakajya bareba no mu bahanzi bakizamuka ibyo we yita ko bafite inganzo idafifitse.

Indirimbo umufana ya Lilzzo Rostman

 

 

Tanga Igitekerezo ukoresheje Facebook

SHARE